Májilis depýtaty Baqytjan Bazarbek joǵary oqý oryndarynda keńinen qoldanylatyn Platonus júıesine qatysty syn aıtty. Onyń sózinshe, bul platforma is júzinde bir top kompanııanyń baqylaýynda bolǵan jáne ony súıemeldeýge arnalǵan konkýrs talaptary syrttan qatysýshylardyń kirýine múmkindik bermeıtindeı jasalǵan, dep habarlaıdy Egemen.kz.
Depýtattyń aıtýynsha, Joǵary aýdıtorlyq palatanyń derekterine sáıkes, memleket biryńǵaı joǵary bilim platformasyn tegin alýy tıis bolǵan. Alaıda keıinnen júıege qatysty quqyqtar memlekettik emes, jeke tulǵanyń atyna rásimdelgen. Sonyń saldarynan memleket mańyzdy sıfrlyq resýrsqa ıelik etý quqyǵynan aıyrylǵan.
«Bolashaq» baǵdarlamasy: Depýtat bıýdjet qarjysyn negizsiz jumsaǵandardyń esimderin jarııalaýdy talap etti
Sondaı-aq Bazarbek konkýrsqa qatysqan eki kompanııa – Flowport jáne Platonus JShS-niń quryltaıshysy bir adam ekenin atap ótti. Onyń pikirinshe, formaldy túrde básekelestik bolǵanymen, is júzinde konkýrsqa ózara baılanysty qurylymdar ǵana qatysqan.
«Tehnıkalyq talaptar tym tar sheńberde jazylǵan, sonyń saldarynan basqa kompanııalar qatysa almaıdy. Qazir 100-den astam joǵary oqý orny osy júıe arqyly jumys isteıdi. Bul – eleýli másele», dedi depýtat.
О́z kezeginde Ǵylym jáne joǵary bilim mınıstri Saıasat Nurbek bul máseleniń bolǵanyn moıyndady. Onyń aıtýynsha, mınıstrlikter qaıta qurylǵan kezde júıe basqa vedomstvonyń qaramaǵynda qalyp, jańa platforma jedel túrde jasalǵan. Quqyqtardy rásimdeý barysynda tehnıkalyq qatelik ketken.
Mınıstr qazirgi tańda atalǵan másele tolyq sheshilgenin, ıaǵnı júıege qatysty barlyq múliktik quqyqtar memleketke berilgenin aıtty. Sonymen qatar Joǵary aýdıtorlyq palatanyń eskertýlerinen keıin konkýrs sharttary qaıta qaralyp, jańa satyp alý ashyq túrde ótkiziletinin jetkizdi.
Depýtat: Stasıonardan shyqqan nashaqorlarǵa áleýmettik qoldaý qajet
Alaıda depýtat bul jaýapqa qanaǵattanbaı, máseleniń buryn jasalǵan kelisimshartqa qatysty ekenin taǵy da kóterdi. Mınıstr óz kezeginde barlyq eskertýler oryndalǵanyn jáne konkýrs talaptary túzetiletinin qaıtalady.