Premer-mınıstr Oljas Bektenovtiń tapsyrmasyna sáıkes, Almatyda áleýmettik mańyzy bar azyq-túlik taýarlarynyń baǵasyn negizsiz ósirmeý maqsatynda aýqymdy tekseris júrgizildi. Qalanyń eń iri kóterme bazary sanalatyn «Barys-4» nysanyndaǵy monıtorıng barysynda baǵany negizsiz qubyltyp kelgen 9 deldal anyqtaldy, dep habarlaıdy Egemen.kz.
Tekseris sharalaryna Saýda jáne tutynýshylardyń quqyǵyn qorǵaý departamenti, Memlekettik kirister departamenti, Ekonomıkalyq tergep-tekserý departamenti jáne aýdan ákimdikteri jumyldyryldy.
Oral bazarlarynda kartop baǵasy birden 85 teńgege arzandady
Birlesken top bazardaǵy kóterme saýda tizbegin muqııat taldap, taýardyń óndirýshiden sórege jetkenge deıingi jolyn zerttedi. Nátıjesinde baǵanyń ósýine tikeleı áser etken 9 tıimsiz deldal anyqtaldy. Qazirgi ýaqytta Memlekettik kirister departamenti bul kásipkerlik sýbektilerine qatysty hronometrajdyq tekserýler júrgizip jatyr.
Tekseris kezinde saýdagerler men bazar ákimshiligine zańnama talaptary qatań eskertildi. Ásirese:
Áleýmettik taýarlarǵa qosylatyn ústeme baǵa 15%-dan aspaýy tıis; Baǵa belgileri (sennıkter) tutynýshylarǵa anyq kórinetin jerde turýy kerek.Anyqtalǵan deldaldar men zań buzǵan kásipkerlerge qatysty materıaldar О́ńirlik komıssııanyń otyrysyna joldandy. Bılik ókilderi azyq-túlik baǵasyn baqylaýda ustaý jumystary turaqty túrde júrgiziletinin málimdedi.
15%-dyq mejeden asqan: Azyq-túlik baǵasyn negizsiz kótergen kásipkerge aıyppul salyndy