[caption id="attachment_51492" align="aligncenter" width="560"] Foto: inform.kz[/caption]
Reseıdiń Chelıabi oblysynda Joǵary Ýfaleı eldi mekeniniń turǵyny 15 maýsymda polısııaǵa qyzynyń iz-túzsiz joǵalyp ketkeni týraly aıtyp, kómek suraǵan.
Ekaterına Smerdova ormanǵa serýenge ketip, qaıta oralmaǵan. life.ru saıtynyń aqpary boıynsha, ol orman arqyly úıine jetpek bolyp, orta jolda adasyp ketken. Polısııa, tótenshe jaǵdaılar mınıstrliginiń qyzmetkerleri, eriktiler jáne qutqarýshylar birneshe ret ormandy aralap shyqqan. Biraq budan eshqandaı paıda bolmaǵan.
Ormanda adasyp ketken qyz ańshylar úıin kórip qalyp, sol jerdi panalaǵan. Ol jertólede makaron men jarmalar bolǵandyqtan, ashtyqty sezinbegen. Qaıtarǵa jol taba almaǵan ol osy úıde bir aı turypty. Málimetterge qaraǵanda, joǵalǵan qyzdy erli-zaıyptylar kórip qalyp, úıine jetkizgen eken.
Aıan ÁBDÝÁLI