Fýtboldan Ýkraına quramasynyń jańa bas jattyqtyrýshysy bolyp Andreı Shevchenko taǵaıyndaldy. Ol Fransııada ótken Eýropa chempıonaty kezinde bas jattyqtyrýshynyń assıstenti bolyp jumys istedi.
Ýkraına fýtbol federasııasynyń habarlaýynsha, burynǵy belgili fýtbolshy Shevchenkony bul orynǵa taǵaıyndaý jónindegi sheshim bir aýyzdan qabyldanǵan.
Buryn Andreı Shevchenko Kıevtiń «Dınamosynda». «Mılan» men «Chelsıde» oınady. Ol sondaı-aq Ýkraına quramasy sapynda 111 ret alańǵa shyǵyp, 48 gol soqqan. 2004 jyly ol álemdegi eń úzdik fýtbolshyǵa beriletin «Altyn dop» kýbogyn jeńip aldy.
Ol fýtbolshylyq mansabyn 2012 jyly aıaqtady.
Shevchenko ÝEFA-nyń eń joǵary dárejeli «PRO» kategorııaly jattyqtyrýshylyq lısenzııasyn 2015 jyly aldy. Osydan keıin ol klýbtyń nemese quramanyń bas jattyqtyrýshysysy bola alatyn edi.
Aıta ketý kerek, Eýro-2016-da Ýkraına quramasy topta qatarynan úsh ret utylyp, jarys jolynan shyǵyp qalǵan edi. Munyń aqyry bas jattyqtyrýshy Mıhaıl Fomenkonyń otstavkaǵa ketýine sebep boldy.
Damır QOJAMQUL