Jerdi aınalyp shyǵýǵa jaqyn
Kúnnen qýat alatyn batareıalarmen jabdyqtalǵan Solar Impulse 2 ushaǵy byltyr 9 naýryz kúni Jer sharyn aınalyp shyǵý úshin kókke kóterilgen bolatyn. Márege jaqyn qalǵan ushaq Kaır qalasyndaǵy áýejaıǵa kelip qondy. Ushaqtyń endigi baǵyty – Abý-Dabıge jetip, sapardy túıindeý.
Solar Impulse 2 degen ataýǵa ıe áýe kemesi 17 myń kún batareıasymen jabdyqtalǵan. Sońǵy 16 aı ishinde ol 15 qalaǵa aıaldap, 35 myń shaqyrym qashyqtyqty ushyp ótti. Tynyq muhıtty, Amerıka kontınentin, Atlantıkany, Eýropany baǵyndyrǵan ushaq byltyr áýede 120 saǵattan artyq ýaqyt qalyqtap, rekord ornatqanyn da aıta ketý kerek.
Kúnnen qýat alatyn ushaqtyń qanattarynyń uzyndyǵy Airbus A340 birdeı, ıaǵnı, 63 metrge teń, salmaǵy – 1600 kılo. Balama energııany nasıhattaý maqsatynda jasalǵan ushaqtyń saparyna qazir álem jurtshylyǵy kóz tigip otyr deýge bolady.
Arnur ASQAROV,
«Egemen Qazaqstan»