Shildeniń 16-syna qaraǵan túni Túrkııada áskerı tóńkeris uıymdastyrýǵa áreket jasaldy. RIA «Novostı» agenttiginiń habarlaýynsha, oqıǵalar Ankara men Ystanbulda oryn alǵan.
Bılik qazir jaǵdaıdyń baqylaýda ustalyp otyrǵanyn málimdeıdi. Alaıda, kóz kórgenderdiń aıtýlarynsha, búlikshiler qarsylasýlaryn áli de toqtatyp jatqan joq. Ulttyq barlaý qyzmetiniń málimetinshe, pýtch uıymdastyrýǵa qarýly kúshter men jardarmenııa bólimsheleri qatysqan.
Aldymen áskerıler Túrkııa spýtnıkti telejelisi men Doğan Media Group holdıngi ǵımarattaryn basyp alǵan. Olarda CNN Türk telearnalary men Hürriyet gazetiniń redaksııalary ornalasqan.
Prokýratýra Ankaradaǵy áskerı tóńkeris jasaý áreketiniń barysynda 42 adamnyń qaza tapqanyn aıtyp otyr.
Anadolu Ajansı baǵynýǵa kónbegen tikushaqtardy atyp túsirý úshin áýege áskerı ushaqtardyń kóterilgenin habarlady. Budan buryn Túrkııa premer-mınıstri Bınal Iyldyrym Ankaradaǵy túrik parlamentin atqylap júrgen tikushaqty atyp túsirý úshin Eskıshehır avıabazasynan ıstrebıtelderdi kóterý jóninde buıryq berdi. Sońynan bul tikushaqtyń atyp túsirilgeni jetkizildi.
AFP habarlaǵandaı, Túrkııa prezıdentiniń Ankaradaǵy saraıyna bomba tastalǵan. Al Túrkııa prezıdenti Redjep Taııp Erdoǵan bul kezde Ystanbulda bolǵan. Memleket basshysy demalyp jatqan meımanhananyń kúzetindegi bir polıseı búlikshilermen atys kezinde qaza tapqan.
Murat AITQOJA