Búgin túnde Rıo Olımpııalyq oıyndarynda qazaqstandyq aýyr atlet Nıdjat Ragımovtiń qatysýymen qytaılyq Olımpıada chempıony Lıýı Sıaoszıýn arasynda da tuǵyrdaǵy teketires ótýge tıis. Bizdiń sańlaqtyń bul joly básekelesiniń ekinshi márte Olımp shyńyna shyǵýyna kedergi keltirýge tolyq múmkindigi bar.
Álbette, Nıdjattyń aldynda turǵan ońaı mindet emes. Shyn máninde Lıýı Sıaoszıýn – julqa kóterý kezinde alǵa qoıylǵan mindetin sheship alýǵa qabiletti óte kúshti sportshy. Ol dál qazirgi kezde eshkim resmı jarystarda jaqyndap bara almaıtynda joǵary salmaq kótere alady. Buǵan qosa, Lıýı óte jınaqy óner kórsetedi. Ol ekinshi jattyǵýda da jaqsy nátıje jasaı alady. Budan bólek, jattyǵýdy oryndaýdyń sheberligi shyńyna shyqqan shymyr jigit. Tutastaı alǵanda, qytaılyq atlet chempıon bolýǵa tolyq laıyqty tarlan. Onyń julqa kóterýdegi úzdik kórsetkishi 2013 jyly alǵan 176 kg bolsa, serpe kóterýdegi shyńy bıyl Qytaı chempıonatynda ómirge keltirgen 207 kg edi. Sondaı-aq ol julqa kóterýdegi (176) jáne qossaıystaǵy (380) álem rekordtarynyń ıegeri. Bylaısha qaraǵanla, Ragımovtiń odan asa alatyndaı esh múmkindigi joq sııaqty. Degenmen, Nıdjattyń Lıýıden ozyq shyǵa alatyn tustary da bar.
Qazaqstandyq atanǵan Ragımov Hıýstonda top jardy. Muny jurt sensasııa dep qabyldady. Jurttyń kóbi onda qytaılyq jeńedi dep oılaǵan edi. Ragımov resmı jarystarda serpe kóterýde Sıaoszıýnnen az da bolsa, alda júrdi. Ol Hıýstonda 207 kg salmaqqa qol saldy. Qytaılyq buǵan jete almady.
Endi Rıoda bul talasqa armıan Andranık Karapetıan men egmpettik Mahmýd Mohamed Ihab Iýsýf Ahmed qosylatyn sııaqty.
Eske sala keteıik, búgin Nıdjat Ragımov bastaǵan aýyr atletter tuǵyrǵa 04:00 saǵatta kóteriledi. Ol «Qazaqstan» telearnasynan tikeleı efırden kórsetiledi.
Nıdjatqa chempıon ataný úshin bastapqy salmaqtaryna tapsyrysty durys berip, tartys taktıkasyn utymdy qura bilý kerek.
Damır QOJAMQUL