Dúbir

[caption id="attachment_55742" align="alignright" width="560"] Rio2016_AO[/caption] Tórtinshi jarys kúni – tórtinshi medal Aýyr atletıkadan Qazaqstan quramasynyń bas jattyqtyrýshysy Alekseı Nı – boljamǵa batyl adam. Onyń sózine qarap: «Tórt birdeı Olımpııalyq oıyndardyń chempıondary qolynda joq bolsa da, ekinshi qurammen medalǵa talasamyz degendi aıta beredi», deskender bolǵan. Biraq búginge deıin óner kórsetken ziltemirshilerdiń barlyǵy derlik medaldar aýylyna synyq súıem jetpeı jatty. Al 63 kılo salmaqta jarys jolyna shyǵatyn Karına Gorıcheva anyq medal alady degen. Aıtqany aıdaı keldi. Alǵashqy bolyp tuǵyrǵa shyqqan ıtalıan qyzynyń oıynda medal turǵany ańǵarylyp edi. Julqa kóterýde de, serpe kóterýde de ózimen ózi alysyp, Olımpııalyq oıyndardyń chempıony bolǵandaı shattanyp ketti. Meksıkalyq Ortız, tuǵyrǵa shyqqanda syrt kózge kórinbeıtin bireýmen urysqandaı ózin-ózi jep keletin kolýmbııalyq Mersedes Peres, Taılandtyń úrip aýyzǵa salǵandaı ádemi qyzy julqa kóterýde jabylyp júrip, 108 kılomen toqtady. Bizdiń aýyr atletshi alǵash­qyda 107 kılony kótere almaı ketkenimen, keıingisinde qamshy saldyrǵan joq. Ziltemirdi aýyr­laý alsa da, tapsyrmany tap-tuınaqtaı oryndaǵan. Osyny shynymen men kóterip turmyn ba degendeı, ziltemirge meıirlene qaraǵanyn baıqap qaldyq. Ra­synda, bul julqa kóterýdegi kishi kúmis medal bolatyn. Basty qarsylasy álem rekordshysy Den Veı bolary beseneden belgili edi. Soltústik Koreıa qyzy Hıý Sım Hoı 109 kılo kóter­genimen, tehnıkalyq qate­lik­terine baı­­lanysty esepke alynbady. Osynyń bárin oı eleginen ót­kizip, qalaı bolǵanda da bir me­daldyń enshimizge jazylatynyn bildik. Álemdik rekordtardy piste shaqqandaı jańartyp júrgen Den Veı turǵanda, altyn medalǵa ıegimizdiń qyshymaıtyny anyq. Serpe kóterýge deıingi úzilis sátinde kúmis júlde alsaq degen tátti úmitimizdi áldılep kettik. Qyzdardyń shamasyn baıqap qaldyq, úshinshi oryndaǵy koreı qyzynan baqandaı 7 kılo basymdyǵymyz bar. Munyń bári aıtqanǵa ǵana eken. «Úıdegi kóńildi bazardaǵy naryq buzady» degendeı, KHDR-dyń qyzy esep-qısabymyzdyń barlyǵyn tas-talqan etti. Serpe kóterýde tórtinshi orynda kele jatqan taılandtyq qyz artyq qylamyn dep tyrtyq qyldy. Oıynda medal alý ǵana bolǵan sportshy 132 kılo salmaqqa úsh ret shyǵyp, bos qaıtty. Obal-aq boldy. Biraq, bul – sport. Jeńis pen jeńilis qatar júredi. Serpe kóterýde Den sońyn kútti. Gorıcheva alǵashqy ke­zeginde 132 kılony alǵanymen, 137 kg-ny eki ret shyǵyp kótere al­mady. Hıý Sım Hoı birinshi kezeginde 135 kılony erkin kó­terip, kóńilin bir demdep aldy da, bizdiń qyzdan ozýdyń amal­daryn jasady. О́zi ǵana emes, jattyqtyrýshylary da qyzdyń shamasyn biledi. So­ǵan qaraı amal jasap jatyr. Áýeli Karınamen teńesý úshin 138 kılony bir kóterip aldy. Koreıalyqtyń bizdiń qyz­dan salmaǵy jeńil, kúmis medal moınynda dese de bolady. Hıý Sım Hoıdyń oıy taǵy buzylypty. Nege altyn júldege talasyp kórmeıdi, múm­kin buıyryp turǵan shyǵar. Koreı jattyqtyrýshylary aqyldasa kelip, Olımpııalyq oıyndardyń rekordy – 143 kı­loǵa tapsyrys berdi. Qyzdyń taramys denesi sińirden jara­tylǵan ba, denesi maıysyp baryp, ziltemirdi kóterip ketti. Jolyn bere salatyn Den Veı emes. Apyl-ǵupyl shyqty da 147 kg salmaqty tik kóterip, koreı qy­zynyń órekpigen kóńilin bas­ty da tastady. Den sońǵy kezegin paıdalanǵan da joq. Sonymen, tartys bitti. Qossaıys boıynsha 262 kg jınaǵan Den Veı eline taǵy bir altyn medal syılady. Biz oısha armandaǵan kúmis medal Soltústik Koreıanyń enshisi eken. Hıý Sım qossaıysta 248 kılony baǵyndyrǵan. Bizdiń Karına Gorıcheva 243 kg salmaqpen qola medalǵa ıe boldy. Osylaısha Qazaq­stan Olımpıada ótip jat­qan tórt kúnde tórt medaldy ıe­lendi. Jýrnalısterge suhbat bergen Karına Gorıcheva óziniń sheksiz baqytty ekenin aıtqan. Sportshynyń bar armany – Olımpııalyq oıyndardyń medalin alý. Ol qolynda tur. О́ziniń Otany aldyndaǵy mereıli mindetin oryndady, senip kelgen jankúıerlerdi de jerge qaratqan joq. «Maǵan senseńizder, dál qazir qus bolyp ushyp júrgendeı sezinemin ózimdi», deıdi baqyttan basy aınalǵan qyz. Jyldar boıy alǵan jaraqattar umytyldy, endi jańa bıikter úshin kúresetin bolady. Alekseı Nı da kóńildi. Ol ózin tabalaǵysy kelgenderdiń aldynda bıik ekendigin taǵy da dáleldedi. Qazaqstan aýyr atletıkasynda qýatty jańa tolqyn ósip keledi. Redaksııadan: Keshe bet qattalyp jatqanda jarys jolyna 69 kılo salmaqtaǵy úmitimiz Jazıra Japparqul men álem chempıony Nıjat Ragımov (77 kg) shyqty. Olımpıadadaǵy arnaýly tilshimiz Baqtııar Taıjan Jazıra men Nıjattyń básekeleri bastalmaı turyp gazetke joldaǵan osy maqalasyn: «10 tamyz – Qazaqstan aýyr atletteri úshin sheshýshi kún. Aıtqany qate ketpeıtin bas jattyqtyrýshy bárimizdiń kóńilimizdi kóterip tastady. Qazaq mundaıda «aýzyńa maı, astyńa taı» dep yrymdap jatady. Ekeýi de – óz baýyrymyz. Elimizdiń namysyn búkil dúnıejúzilik alamanda qorǵap jatyr. Keshe ǵana balýanymyz Eldos Smetov altynnyń syńǵyryn estip edi. Synyq súıem ǵana jetpeı qalǵan. Qazaq – kóńili salqar dalasyndaı keń, dosqa qushaǵy ystyq, taryqqanǵa astyndaǵy jalǵyz atyn mingizip jiberetin darhan halyq. Qudaı qos kórse, qazaq sporty tarıhyndaǵy altyn paraqty Jazıra qyzymyz ashsa degen jaqsy tilektiń ústinde otyrmyz», dep qorytyndylady. «Egemen Qazaqstannyń» arnaýly tilshisi Baqtııar TAIJAN Rıo-de-Janeırodan habarlaıdy

Júldeler jıyntyǵy

(10 tamyzdaǵy málimet boıynsha)

  № Quramalar Altyn Kúmis Qola Barlyǵy 1 AQSh 9 8 9 26 2 Qytaı 8 3 6 17 3 Vengrııa 4 1 1 6 4 Avstralııa 4 0 5 9 5 Reseı 3 6 3 12 6 Italııa 3 4 2 9 7 Koreıa 3 2 1 6 8 Japonııa 3 1 10 14 9 Fransııa 2 3 1 6 10 Taıland 2 1 1 4 11 Ulybrıtanııa 1 3 2 6 12 Germanııa 1 2 0 3 12 Shvesııa 1 2 0 3 14 Brazılııa 1 1 0 2 15 Qytaı Taıpeıi 1 0 2 3 16 Belgııa 1 0 1 2 16 Grekııa 1 0 1 2 16 Nıderland 1 0 1 2 19 Argentına 1 0 0 1 19 Kolýmbııa 1 0 0 1 19 Horvatııa 1 0 0 1 19 Kosovo 1 0 0 1 19 Slovenııa 1 0 0 1 19 Vetnam 1 0 0 1 25 Indonezııa 0 2 0 2 25 Jańa Zelandııa 0 2 0 2 25 KHDR 0 2 0 2 25 Ońtústik Afrıka 0 2 0 2 29 Kanada 0 1 4 5 30 Qazaqstan 0 1 3 4 31 Ýkraına 0 1 1 2 32 Ázerbaıjan 0 1 0 1 32 Danııa 0 1 0 1 32 Malaızııa 0 1 0 1 32 Mońǵolııa 0 1 0 1 32 Fılıppın 0 1 0 1 32 Slovakııa 0 1 0 1 32 Túrkııa 0 1 0 1 39 О́zbekstan 0 0 2 2 40 Ispanııa 0 0 1 1 40 Grýzııa 0 0 1 1 40 Izraıl 0 0 1 1 40 Qyrǵyzstan 0 0 1 1 40 Polsha 0 0 1 1 40 Portýgalııa 0 0 1 1 40 Shveısarııa 0 0 1 1 40 Birikken Arab Ámirlikteri 0 0 1 1 Álimhanuly men Levıt – Golovkınge úlgi Amerıkanyń Associated Press agenttiginiń tilshisi Greg Bıchem qazaqstandyq boksshylar Jánibek Álimhanuly men Vasılıı Levıttiń Rıo rıngindegi burnaǵy kúngi shaıqastaryn taldap berdi. «Men bul týraly urys kezinde de jazǵanmyn: orta salmaqtaǵy qazaqstandyq Jánibek Álimhanulynyń soqqylary sumdyq kúshti. Ol óziniń brıtanııalyq qarsylasy Entonı Foýlerdi talqandap tastady. Taǵy aýyr salmaqty Vasılıı Levıt te bar. Men Gennadıı Golovkınniń osy jigitterdiń Olımpııalyq oıyndardaǵy urystaryn arnaıy qarap shyqqany durys bolar edi dep oılaımyn», – dep jazdy Bıchem óziniń tvıtterinde. Aıtylyp otyrǵan jekpe-jekterde 75 kg salmaqtaǵy Jánibek Álimhanuly aǵylshyn Entonı Foýlerdi ekinshiraýndtyń basynda nokdaýnǵa jibergen edi. Al Vasılıı Levıt (91 kg) qytaılyq Fengkaı Iýmen urysyn úshinshi raýnd bastalmaı jatyp aıaqtady. Eki raýndtan keıin onyń qarsylasy aıqasty jalǵastyrýdan bas tartty. Maıkl Felps – Oıyndardyń 21 dúrkin chempıony Amerıkalyq Maıkl Felps Rıo-de-Janeıroda 200 metrge erkin júzý estafetasynda óziniń 21-shi altyn medalin alyp, osynda ózi jańartqan rekordqa taǵy da ózgeris engizdi. Ol munyń aldynda eki ret óziniń 2012 jyly Londonda jasaǵan rekordynan asyp túsken edi. Aldymen jarystyń birinshi kúni 4h100 estafetasyna krol ádisimen qatysyp, komandalastarymen birge chempıon atanǵan. Sodan keıin 8 tamyzda 200 metrge batterflıaı ádisimen júzýde aldyna jan salmady. Osy qashyqtyqty Felps 1 mınýt 53,36 sekýndta baǵyndyrdy. Kúmis medaldy japon Masato Sakaı aldy. Qola medaldyń ıegeri ataǵy vengr Tamash Kenderashıge buıyrdy. London Olımpıadasy chempıony dopıngpen ustaldy Budan 4 jyl buryn London Olımpıadasynda chempıon atanǵan polıak aýyr atleti Adrıan Zelınskı Rıoda dopıng paıdalanǵany úshin qolǵa túsip qaldy. Tekseris onyń aǵzasynda nandrolon bar ekenin anyqtady. «Ne bolǵanyn ózim de túsinbeı turmyn, – dedi atlettiń ózi. – Quddy tús kórgen sııaqtymyn. Basqa aıtar sózim joq. Men 10 jyl óz elim úshin jattyqtym, 20 jyldy jat­ty­ǵý­men ótkizdim, biraq eshqashan dopıng paıdalanǵan joq edim. Mine, kútpegen jerden mynadaı daqpyrt shyǵyp jatyr». Sportshy Rıoǵa keler aldynda úsh ret tekserilgenin, bárinde qo­rytyndy durys bolyp kelip, Olımpıada kezinde ǵana onyń oń nátıje kórsetkenin atap ótti. Zelınskı London Olımpıadasynan keıin 2014 jyly Eýropanyń da úzdigi atanǵan bolatyn. Mysyrlyq qyzdar voleıboldy hıdjabpen oınady Olımpııalyq oıyndarda Mysyrdyń jaǵajaı voleıboly quramasynyń qyzdary nemis qurbylarynan 0:2 esebimen utylyp qaldy. Biraq basty másele munda emes. Ol Mysyr boıjet­kenderiniń alańǵa hıdjab sekildi kıim kıip shyqqandarynda bolyp otyr. Quramanyń Doa ál-Gobashı jáne Nada Mıvad dep atalatyn eki qyzy kezekti matchqa ıslam áıelderiniń jaǵajaıda tynyǵýlary úshin arnaıy tigilgen kıim – býrkını kıip keldi. Bálkim, olardyń Germanııa qyzdarynan jeńilip qalýlaryna tar shalbarmen, uzyn jeńdi jeıdemen oınaýdyń qolaısyzdyǵy da áser etken shyǵar. Olar osyndaı kıimmen Olımpııalyq oıyndar saıystaryna qatysqan mysyrlyq alǵashqy qyzdar boldy. Jýrnalıster mingen avtobýsqa oq atyldy Rıo-de-Janeıroda salonynda jýrnalıster otyrǵan avtobýsqa áldekimder shabýyl jasaǵan. Kórgenderdiń aıtýlarynsha, olımpııalyq nysandardy aralap kele jatqan kólikke qaraı eki ret oq atylǵan. Sol kezde buqaralyq avtobýs basketbol zalynan endi shyǵyp kele jatqan. Nátıjesinde synǵan tereze áınekteriniń synyqtary tıgen eki adam jaraqat alǵan. «Bizge qaraı oq atyldy. Biz tapanshadan atylǵan oqtyń daýsyn estidik», dedi buryn áskerı-teńiz kúshteri armııasynda kapıtan bolǵan amerıkalyq jýrnalıst Lı Mıkaelson. Damır QOJAMQUL Kitaphanashylar ún qosty Aqtóbe oblystyq N.Baıǵanın atyndaǵy balalar kitaphanasynyń kitaphanashylary «Rıo-2016» Olımpıadasyna qatysýshylarǵa óz tilekterin bildirdi. Qashanda el maqtanyshtaryn ózgelerge nasıhattaýda úlken sharýa atqaryp júretin kitap­hanashylar bul joly da qarap qalǵan joq. Mektep oqýshylary jazǵy demalysta bolǵandyqtan, balalardy jınap, is-shara ótkizý ońaı emes. Soǵan qaramastan, oblystyq balalar kitaphanasynyń kitaphanashylary jýrnal-krossıng uıymdastyryp, saıabaqta keshkilik demalyp otyrǵan qala turǵyndary men qonaqtarǵa sportshylarymyz týraly málimetter men olar týraly jazylǵan basylymdar taratty. Kózi nashar kóretin qarttarǵa Olımpıadaǵa qatysýshy jastar týraly jazylǵan málimetter men aqparattardy oqyp berdi. Olar, sondaı-aq, «Rıo-2016» Olımpıadasyna qatysýshylarǵa jalyndy sálem joldady. «Rıo-2016   Olımpıadasyna qatysý­shy­larǵa sálem!» dep jazylǵan pla­katty alyp, saıabaqtar men qala turǵyndary jıi júretin kóshelerdi aralady. – Búginde analarymyz taqymyn qysyp, ákelerimiz namysyn qaırap otyrǵan shyǵar. Ult abyroıyn qorǵaıtyn árbir qazaq sportshysy úshin bárimiz de jaýapty ekenimizdi sezinýimiz kerek. Sol sebepti bizdiń ujym kitaphanaǵa kelgen árbir oqyrmanǵa, kóshedegi qarapaıym halyqqa sportshylarymyz úshin jankúıer bolýdyń mańyzy týraly únemi aıtyp otyrady, – deıdi kitaphana dırektory Gúljaınar Qaldına. Jaz mezgilin kitaphanashylar tolyq qazaq sportyna arnap otyr. Olar Olımpıada bastalǵansha lagerler men balabaqshalarda, sport mektepteri men úıirmelerde balalar arasynda sporttyq jarystar ótkizip keldi. Jeńimpaz bolǵan balalardyń keýdesine medal taǵyp, bolashaqta myqty sportshy bolýǵa úndedi. Aınur NERMIEVA AQTО́BE