Fýtboldan Qazaqstan premer-lıgasynyń 1-6 oryndar úshin talasyp jatqan bóliginde oınap jatqan Almatynyń «Qaıraty» keshe 23-týrda «Aqtóbe» komandasyn qabyldap, 3:1 esebimen jeńiske jetti.
Alań ıeleriniń birinshi taımdaǵy tolyq basymdyǵy 30-mınýtta Alkseı Shetkınniń esep ashýyna aparyp jetkizdi. Úzilisten keıin almatylyqtar taǵy da qonaqtardy jan-jaqtan qysymǵa aldy. Sol sátterdiń birinde meımandar sapyndaǵy Egor Sorokın óz aıyp alańy ishinde qolmen oınap qoıdy. Osyǵan baılanysty 49-mınýtta belgilengen penaltıdi Baýyrjan Islamhan dál túsirdi. Al aqtóbelikter jaýap dopty 62-mınýtta Ǵafýrjan Súıimbaevtyń kúshimen soǵa aldy. Matchtyń sońǵy núktesin 66-mınýtta Jerar Goý qoıdy.
Osylaısha almatylyqtar «Astanamen» aradaǵy upaıy aıyrymyn 4-ge deıin túsirdi. Biraq elorda komandasynyń zapasty bir oıyny bar. Ol búgin «Ordabasyny» qabyldaıdy.
Osy kúni «Ertis» óz alańynda «Oqjetpesten» 0:2 esebimen utylyp qaldy.
Búgin sondaı-aq chempıonattyń 7-12 oryndary úshin talasatyn bóligindegi «Jetisý» - «Tobyl», «Taraz» - «Atyraý» komandalary da ózara kúsh synasady.
Rýslan IGILIK