О́skemen qalasynda «Nurly jol» baǵdarlamasy boıynsha júzege asyrylatyn jańa nysannyń qurylysy bastaldy. Qurylystyń bastalýyna oraı uıymdastyrylǵan caltanatty rásimge «Samuryq - Qazyna» jyljymaıtyn múlik qory» aksıonerlik qoǵamynyń basqarma tóraǵasy Baýyrjan Mamytálıev, О́skemen qalasy ákiminiń mindetin atqarýshy Arman Iskakov, sondaı-aq Shyǵys Qazaqstan oblysy ákimdiginiń ókilderi qatysty.
Basqarma tóraǵasynyń málimeti boıynsha, turǵyn úı kesheni О́skemen qalasynyń eń perspektıvalyq aýdandarynyń biri – sol jaǵalaýda ornalasady. Jańa nysan III jaılylyq sanatyndaǵy toǵyz qabatty kóppáterli úsh úıden turady. Turǵynjaılardyń aýdany 19,5 myńnan astam sharshy metrdi quraıdy. Barlyǵy 325 páter salý josparlanǵan.
Jobanyń jalpy quny 4 mıllıard teńgeden astam, onyń 80 paıyzy «Samuryq - Qazyna» jyljymaıtyn múlik qory» tarapynan qarjylandyrylady. Qurylys barysynda energııa únemdeıtin materıaldar qoldanylady.
Aıdar О́RISBAEV