Reseıdiń sport mınıstri Vıtalıı Mýtko Rıchard Maklaren bastaǵan WADA komıssııasy baıandamasynyń zańdyq jaǵynan túkke turǵysyz ekenin málimdedi. Bul týraly RIA «Novostı» habarlady.
«Biz bul baıandama boıynsha óz tujyrymdarymyzdy jasap, Halyqaralyq olımpııalyq komıtetke WADA jónindegi pikirimizdi jetkizemiz. Shyǵatyn qorytynda bireý – ol qoldan ótirik jasalǵan. Onyń zańdyq jaǵynyń eshqandaı da kúshi joq», - dedi Mýtko «Match TV» efırinde sóılegen sózinde.
Onyń aıtýynsha, sport mınıstrligi osy faktilerge baılanysty azamattyq sottarǵa shaǵym jasaıdy, al baıandama avtorlary qylmystyq jaýaptarǵa tartylady.
«Biz sondaı-aq synama aýlasy úshin bank júrgizgen Shveısarııa kompanııasynyń basshylyǵyna da shyǵamyz. Biz onyń alynǵan ónim jóninde jurt aldynda baǵa berýlerin qalaımyz», - dedi budan ári mınıstr.
Al Maklarenniń baıandamasynda Reseıde oń dopıng-synamalardy jasyryp otyratyn memlekettik júıe bar ekeni atap kórsetilgen bolatyn. Osy zertteýdiń negizinde WADA Reseı quramasyn tolyq quramynda Rıo-de-Janeırodaǵy Olımpııalyq oıyndardan jáne Paraalımpııalyq oıyndardan alastaýdy usynǵan. Nátıjesinde HOK-tiń atqarý komıteti jeńil atletterdi Oıyndarǵa jiberý quqyǵyn halyqaralyq sport federasııalarynyń enshisine qaldyrdy. Osyǵan oraı Darıa Klıshınadan basqa Reseı jeńil atletteri Olımpıadaǵa jiberilmeı qaldy.
Damır QOJAMQUL