Máskeýdiń soltústik-shyǵysyndaǵy baspahana qoımasynda oryn alǵan iri órttiń saldarynan 17 adam qaza tapty. Bul týraly Euronews habarlady.
О́rt sóndirýshiler órtti sóndirý kezinde ondaǵy syrtqa joly jabylyp qalǵan baspanalardyń birinen 16 adamnyń denelerin tapty.
Tórt adam birden aýrýhanaǵa jóneltildi. Dárigerler olardyń arasyndaǵy bir áıeldiń ómirin saqtap qala almady. Taǵy bir zardap shegýshi óte aýyr halde jatyr.
Tergeýdiń aldyn ala málimeti boıynsha, órtke baspahana ǵımaratynda oryn alǵan elektr symdarynyń qysqa tuıyqtalýy sebep bolǵan. Ot tórt qabatty úıdi birden qamtyǵan.
Qaza tapqan jumysshylardyń bári Qyrǵyzstan azamattary bolyp shyqty. Qala bıligi olardyń janyp ketken kásiporynda zańdy túrde jumys jasaǵandaryn aıtady.
Sonymen birge, qaıǵyly oqıǵa ornyna kelgen Máskeýdegi qyrǵyz dıasporasynyń ókilderi qaza tapqandardyń biriniń jasy áli 16-da ekenin jetkizdi.
Murat AITQOJA