Qazaqstan Respýblıkasynyń Prezıdenti Nursultan Nazarbaevqa
Joǵary Mártebeli Prezıdent myrza!
Halyqaralyq medıa-ókil jáne álemdegi ahýaldyń nasharlap ketýine alańdaýshy azamat retinde Sizge jáne Qazaqstan Úkimetine ıadrolyq qarýsyzdaný isine berilgendigińiz ben umtylysyńyz úshin ózimniń rızashylyǵymdy bildirýim qajet dep sanaımyn.
Iаdrolyq derjavanyń týmasy bola otyryp men birneshe sýperderjavalardyń OSV-I, OSV-II jáne SNV sekildi forýmdarda adamdardyń jáne qarapaıym halyqtyń bolashaq taǵdyryn sheshetin kelissózder júrgizgen zamanda ósip-jetildim. Keńes Odaǵy ydyraǵannan keıin kúmándi rejimderge ıadrolyq qarý satyp alýdyń belgili bir múmkindigi týdy.
Sizdiń Semeı ıadrolyq synaq polıgonyn jabýǵa bastamashylyq tanytqanyńyz tánti etpeı qoımaıdy. Bul polıgon óńirdegi adamdar men bolashaq urpaqtyń densaýlyǵyna orny tolmas orasan zor zardabyn tıgizip kelgen qarǵys atqan jerge aınaldy. Bir qýanarlyǵy, ózine polıgonnyń fızıkalyq ta, psıhologııalyq ta keri áserin aıqyn sezingen Káripbek Kúıikov sekildi talantty sýretshiler qatal taǵdyrǵa qarsy turyp qana qoımaı, osynaý jan-túrshigerlik tájirıbeni ózge álemmen bólisýge qol jetkize aldy.
Sizdiń ıadrolyq qarýsyzdaný men álemde beıbitshilik pen turaqtylyqty saqtaý jolynda jumsap kele jatqan adam aıtqysyz kúsh-jigerińizdi moıyndaı otyryp, Birikken Ulttar Uıymy men álemdik qoǵamdastyq Qazaqstandy Qaýipsizdik Keńesiniń turaqty emes músheligine saılanýymen quttyqtaıdy.
Barlyq qurlyqtardyń, ásirese, Eýropa men Azııanyń azamattary álemge túrli ádis-tásildermen, onyń ishinde ıadrolyq arsenal da bar, qater tóndirgen neoımperıalıstik kúshter aldynda úreı-qorqynyshsyz ómir súrýleri tıis. Kóregen sheteldik sarapshylar atom energetıkasy men Tómen baıytylǵan ýran eńbek ónimdiligi men ekonomıkalyq ósimdi arttyrý úshin tıimdi túrde paıdalanylýy kerek ekenin túsinedi.
Men jaqynda jarııalanǵan «Qazaqstan – serpindi ósý jolynda» degen maqalamdy zerttep, jazý kezinde Siz ben Sizdiń komandańyz 2050 jylǵa qaraı Qazaqstandy álemdegi asa damyǵan 30 eldiń qataryna qosý úshin júzege asyryp jatqan jan-jaqty qurylymdyq saıasatqa kóńilim toldy.
Qurmetpen jáne
shynaıy tilektermen,
Prashýn DÝTT,
«The Sun Daily» gazeti redaksııalyq alqasynyń múshesi