2015 jylǵy 26 naýryz, Astana qalasy
Áýejaıdyń avıasııalyq qaýipsizdik qyzmetiniń jete tekserýdi uıymdastyrýy boıynsha sertıfıkattyq talaptardy bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 14-baby 1-tarmaǵynyń 41-60) tarmaqshasyna sáıkes, buıyramyn:
1. Qosa berilip otyrǵan áýejaıdyń avıasııalyq qaýipsizdik qyzmetiniń jete tekserýdi uıymdastyrýy boıynsha sertıfıkattyq talaptar bekitilsin.
2. Qazaqstan Respýblıkasy Investısııalar jáne damý mınıstrliginiń Azamattyq avıasııa komıteti (B.K.Seıdahmetov):
1) osy buıryqty zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdarynyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstriniń
mindetin atqarýshy J.QASYMBEK
«KELISILDI»
Qazaqstan Respýblıkasynyń
Ulttyq qaýipsizdik komıtetiniń tóraǵasy
___________ N.Á.Ábiqaev
2015 jylǵy 13 mamyr
«KELISILDI»
Qazaqstan Respýblıkasynyń
Ulttyq ekonomıka mınıstri
___________ E.A.Dosaev
2015 jylǵy 25 mamyr «KELISILDI»
Qazaqstan Respýblıkasynyń
Ishki ister mınıstri
___________ Q.N.Qasymov
2015 jylǵy 11 maýsym
Qazaqstan Respýblıkasy Investısııalar jáne damý mınıstriniń mindetin atqarýshynyń
2015 jylǵy 26 naýryzdaǵy №332 buıryǵymen bekitilgen
Áýejaıdyń avıasııalyq qaýipsizdik qyzmetiniń jete tekserýdi
uıymdastyrýy boıynsha sertıfıkattyq talaptar
1. Jalpy erejeler
1. Osy Áýejaıdyń avıasııalyq qaýipsizdik qyzmetiniń jete tekserýdi uıymdastyrýy boıynsha Sertıfıkattyq talaptar (budan ári – Sertıfıkattyq talaptar) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń (budan ári – Zań) 1-baby 41-60) tarmaqshalaryna sáıkes ázirlendi jáne áýejaılardyń avıasııalyq qaýipsizdik qyzmetterine jete tekserýdi uıymdastyrý boıynsha sertıfıkattyq talaptardy belgileıdi.
2. Osy Sertıfıkasııalyq talaptarda paıdalanylatyn termınder men anyqtamalar:
1) azamattyq avıasııa salasyndaǵy ýákiletti organ (budan ári – ýákiletti organ) – Qazaqstan Respýblıkasynyń áýe keńistigin paıdalaný jáne azamattyq jáne eksperımenttik avıasııa qyzmeti salasynda basshylyqty júzege asyratyn ortalyq atqarýshy organ;
2) jete tekserý kezinde qoldanylatyn tehnıkalyq quraldar – ekıpaj múshelerin, jolaýshylardy, qol júgin, júkti, onyń ishinde jolaýshylardyń zattaryn, júkterin, poshtalardy, borttyq qorlardy, áýe kemesiniń jete tekserýdi júzege asyrý kezinde derbes nemese qandaı da bir júıeniń bir bóligi retinde paıdalanýǵa arnalǵan arnaıy qondyrǵylar.
2. Áýejaıdyń avıasııalyq qaýipsizdik qyzmetiniń jete tekserýdi uıymdastyrýy boıynsha sertıfıkattyq talaptar
3. Áýejaıdyń avıasııalyq qaýipsizdik qyzmeti (budan ári – AQQ) sáıkes keletin AQQ-ny jete tekserýdi uıymdastyrýy boıynsha sertıfıkatyn alý úshin, sertıfıkattyq talaptar óz ishine mynalardy qosady:
1) Zańnyń 14-baby 1-tarmaǵynyń 41-51) tarmaqshalaryna sáıkes bekitilgen AQQ týraly úlgi erejege sáıkes ázirlengen, birinshi basshymen bekitilgen áýejaıdyń AQQ týraly erejeni;
2) áýejaıdyń birinshi basshysy bekitken áýejaıdyń AQQ qurylymy men shtat kestesiniń bar bolýyn;
3) áýejaıdyń birinshi basshysymen bekitilgen áýejaıdyń avıasııalyq qaýipsizdik jónindegi baǵdarlamany;
4) Zańnyń 107-babynyń 6 tarmaǵynyń talaptaryna sáıkes jete tekserý kezinde qoldanatyn tehnıkalyq quraldardy;
5) «Avıasııalyq qaýipsizdik qyzmeti mamandaryn, azamattyq avıasııa salasyndaǵy ýákiletti organnyń avıasııalyq qaýipsizdik jáne ushý qaýipsizdigi máseleleri jónindegi laýazymdy adamdaryn daıarlaý jáne qaıta daıarlaý baǵdarlamasyna sáıkes áýejaıdyń avıasııalyq qaýipsizdik qyzmetiniń avıasııalyq qaýipsizdigi jaıynda daıarlaý jáne qaıta daıarlaý baǵdarlamasyn bekitý týraly» Qazaqstan Respýblıkasy Kólik jáne kommýnıkasııa mınıstriniń avıasııalyq qaýipsizdik jónindegi mindetin atqarýshysynyń 2014 jylǵy 3 maýsymdaǵy №347 buıryǵyna (№9543 normatıvti-quqyqtyq aktilerdi memlekettik tirkeý tizimdemesinde tirkelgen) sáıkes ázirlengen áýejaıdyń AQQ daıarlaý jáne qaıta daıarlaý baǵdarlamany;
6) jete tekserý ınspektorlary jáne olardyń basshylarynda kásibı daıyndyqty ótkeni týraly tıisti sertıfıkattardyń bolýyn;
7) «Avıasııalyq qaýipsizdikti saqtaý sapasyn baqylaý júrgizý qaǵıdalaryna bekitý týraly» Qazaqstan Respýblıkasy Úkimetiniń 2011 jylǵy 22 sáýirdegi №436-qbp qaýlysyna sáıkes ázirlengen avıasııalyq qaýipsizdik sharalarynyń sapasyn ishki baqylaý baǵdarlamany;
8) qaýipter men táýekelderdi baǵalaý baǵdarlamany;
9) «Qazaqstan Respýblıkasynyń avıasııalyq qaýipsizdik boıynsha Nusqaýlyqty (baǵdarlamany) bekitý týraly» Qazaqstan Respýblıkasy Úkimetiniń 2011 jylǵy 27 tamyzdaǵy №973-qbp qaýlysynyń talaptaryna sáıkes ázirlengen áýejaılardyń AQQ-nyń qyzmettik jáne turmystyq úı-jaılaryn;
10) jete tekserý baılanys quraldarymen, jaryqpen, týrnıkettermen, dabyl qaǵý júıesimen, jeke tulǵalardy stasıonarlyq tehnıkalyq jete tekserý quraldarymen jabdyqtalǵan baqylap-ótkizý pýnktin(budan ári-BО́P);
11) «Qazaqstan Respýblıkasynyń avıasııalyq qaýipsizdik boıynsha Nusqaýlyqty (baǵdarlamany) bekitý týraly» Qazaqstan Respýblıkasy Úkimetiniń 2011 jylǵy 27 tamyzdaǵy №973-qbp qaýlysynyń talaptaryna sáıkes áýe kemeniń bortynda qarý-jaraqtardy tasymaldaý týraly nusqaýlyqty;
12) áýejaıdyń birinshi basshysymen bekitilgen elektrenergııanyń óshirilgen nemese jete tekserýge arnalǵan jabdyǵy buzylǵan jaǵdaıda, AQQ personalynyń is-qımyly jónindegi ńusqaýlyqty;
13) stasıonarlyq jáne qol metall izdegishtermen, rentgen-televızııalyq qondyrǵylarmen, portatıvti metall izdegishtermen jabdyqtalǵan ushýaldy jete tekserý pýnkterdi, sondaı-aq beınebaqylaý jáne beınejazba júıesimen jabdyqtalǵan jete tekserý pýnktterinde júrgiziledi, ondaǵy aqparat kúntizbelik 30 kún ishinde saqtalady;
14) derbes jete tekserý júrgizýge arnalǵan úı-jaıdy (kabına);
15) jolaýshylarǵa qyzmet kórsetý úshin yńǵaıly oryndaýdy ushý aldynda jete tekserý pýnkteriniń mańynda ornalasqan qarý-jaraqty, oq-dárilerdi jáne oǵan patrondardy qabyldaýǵa (berýge), tekserýge jáne resimdeýge arnalǵan úı-jaıdy;
16) jete tekserý kezinde jolaýshylardan alynǵan áýemen tasymaldaýǵa tyıym salynǵan qaýipti quraldar men zattardy ýaqytsha saqtaýǵa arnalǵan úı-jaıdy;
17) oǵan qatynaý qatań baqylanatyn jolaýshylardy ushýaldy jete tekserý pýnkti men áýe kemesi arasyndaǵy aımaqty;
18) jolaýshylardy tirkeý aımaqtarynda avıasııalyq qaýipsizdik jónindegi arnaıy aqparaty bar plakattar ilinedi, onda mynalar kórsetiledi:
áýe kóliginde tasymaldaýǵa tyıym salynǵan qaýipti zattar men quraldardyń tizbesi;
áýe kemelerinde qarý-jaraqty, oq-dárilerdi, arnaıy quraldardy, radıo, foto jáne beıne apparatýrany, elektrondyq-esepteý jáne teledıdar tehnıkasyn tasymaldaý tártibi, sondaı-aq qol júgin tasymaldaýdyń shekti normalary;
19) jete tekseristen ótpegen jolaýshylardan jáne shyǵaryp salýshylardan tekserýden ótken jolaýshylarmen qarym qatynasty boldyrmaý úshin jete tekserý qorshalǵan pýnktteri;
20) áýejaıdyń birinshi basshysymen jolaýshylardy, qol júgin, áýe kemelerin ekıpajdarynyń múshelerin jáne avıapersonaldy ushý aldy jete tekserýdiń bekitilgen tehnologııasy, ol mynalardy qamtıdy:
árbir jete tekserý pýnktin personalmen jabdyqtaý (jolaýshylardy ushý aldy jete tekserý pýnktinde personal sany keminde 4 maman bolýy tıis), aýysym ishinde jumys oryndarynda turaqty oryn aýystyrýyn júzege asyrý;
jolaýshynyń jeke zattaryn jete tekserý tártibi (tehnıkalyq quraldardy paıdalana otyryp, jolaýshylardyń syrt kıimin, bas kıimderin, aıaq kıimin, belbeýlerin, sońǵysynyń jumysqa qabilettiligin keltire otyryp, kompıýterlik jáne turmystyq tehnıkany mindetti jete tekserý);
suıyqtyqtardy, aerozolder men gelderdi jete tekserý tártibi;
zattardy jete tekserý nemese qolmen jete tekserý kezinde qoldanylatyn tehnıkalyq quraldardy paıdalaný kezinde kúdikti zattar tabylǵan kezdegi is-áreketter tártibi;
irikteý tekserýlerine qatysty talaptar (jolaýshylardyń keminde 10 % iriktep qolmen jete tekserýge tartylady);
ishki ister organdarmen ózara is-qımyl tártibi;
resmı delegasııalar zaly arqyly ótetin jolaýshylardy jete tekserý rásimderi;
tranzıtpen nemese tarnsferlik reıspen ótetin jolaýshylardy jete tekserý tártibi;
jolaýshylardy jete tekserý kartalaryn resimdeý tártibi;
zattardy jete tekserý pýnktinde tárkilengen zattardy resimdeý, saqtaý, ıesine qaıtarý jáne joıý qaǵıdalary;
zańsyz aralasý aktisin jasaý qaýiptiliginiń joǵary deńgeıiniń kezeńinde jete tekserýdi júrgizý tártibi;
21) áýejaıdyń birinshi basshysymen bekitilgen qoljúkti, júkti, poshtany jáne bort qorlaryn jete tekserý tehnologııasy, ol mynalardy qamtıdy:
áýe kemesiniń bortyna ornalastyrylatyn barlyq zattardy tolyq jete tekserý talaby;
rentgen jabdyǵynda nemese bagajdy, júkti, poshtany jeke jete tekserýde kúdikti zattar tabylǵan kezde is-qımyl tártibi;
júk bóliginde tasymaldanatyn transferttik júkke qatysty qaǵıdalar;
bagajdyń jolaýshylarǵa tıistiligin belgileý tártibi;
bagajdy, júkti jáne bort jabdyǵyn (bort qorlaryn) jete tekserý kartalaryn resimdeý jáne olardyń qozǵalý tártibi;
jete tekserýden ótken júkterdi nómir japsyrmalarymen tańbalaý tártibi;
jete tekserý rásiminen ótken borttaǵy bajsyz saýda-sattyq úshin bort jabdyǵy jáne taýarlary bar konteınerlerdi jetkizý tártibi;
22) áýejaıdyń birinshi basshysymen bekitilgen áýejaıdyń zararsyzdandyrylǵan aımaǵynda turǵan bajsyz saýda-sattyq dúkenderine túsetin taýarlardy jete tekserý jónindegi nusqaýlyq;
23) bagajdy, júkti, poshtany jáne bort qorlaryn jete tekserý baılanys quraldarymen, eskertý dabylymen, apatty jaryqpen jáne elektr jabdyǵymen, stasıonarlyq tehnıkalyq jete tekserý quraldarymen, rentgenteledıdar ıntroskoptarymen, sondaı-aq beınebaqylaý jáne beınejazba júıesimen jabdyqtalǵan jete tekserý pýnktterinde júrgiziledi, ondaǵy aqparat kúntizbelik 30 kún ishinde saqtalady.
Buıryq Qazaqstan Respýblıkasynyń Ádilet mınıstrliginde 2015 jylǵy 8 shildede Normatıvtik quqyqtyq kesimderdi memlekettik tirkeýdiń tizilimine №11588 bolyp engizildi.