Jyl saıyn kóktemgi, kúzgi naýqannyń aldynda uıymdastyrylatyn dástúrli «AgroQostanaı-2026» kórmesine aýylsharýashylyq tehnıkalaryn óndirýshiler, satýshylar, dılerler, fermerler, servıstik jáne qarjylyq kompanııalar qatysty, dep habarlaıdy Egemen.kz.
Kórme alańyna otandyq jáne sheteldik zaýyttardan shyqqan aýylsharýashylyq tehnıkalary, agregattar, qosalqy bólshekter, tuqym suryptary, tyńaıtqyshtar qoıyldy.
«Kórme jumysynda ádettegideı salanyń jańa jetistikteri kórsetiledi. Aýyl sharýashylyǵynyń búgingi ózekti máseleleri talqyǵa túsedi. Memleket basshysy osy jyldy «Sıfrlandyrý jáne jasandy ıntellekt jyly» dep jarııalaǵanyn bilesizder. Sondyqtan qazir agrarlyq sektordy sıfrlandyrýǵa erekshe den qoıylyp otyr. Tehnologııalyq sheshimder engizý, tehnıkany qashyqtan basqarý, óndiristi tolyq avtomattandyrý, robottandyrý osy kúnniń basty qajettiligine aınaldy. Bıylǵy kórme osy baǵytta ótip jatyr», deıdi oblystyq Aýyl sharýashylyǵy jáne jer qatynastary basqarmasynyń basshysy Ibragım Bekmuhamedov.
Ulttyq ortalyq mýzeıde «Altyn Orda» jańa kórme zaly ashylady
Basqarma basshysynyń aıtýynsha, Qostanaı oblysy aldaǵy kóktemgi egis naýqanynda 5,1 mln gektar dán egýdi josparlap otyr. Bıyl aýyl sharýashylyǵyn qoldaýǵa 85 mlrd teńge bólingen. Sharýalar osy aıdan bastap sýbsıdııa ala bastaıdy. Arzandatylǵan janarmaı da jetkizile bastaǵan.
Biregeı arheologııalyq jádigerler kórmesi
Kórme aıasynda «Soltústik alıans» agrarlyq forýmy ótti. Jıynda kóktemgi egiske daıyndyq máselesi, sýbsıdııalaý erejelerine engizilgen ózerister talqylandy.
Almatyda ulttyq oıý-órnek dástúrine arnalǵan kórme ashyldy