Eýropa lıgasynyń toptyq týrnırindegi birinshi kezdesýin Kıpr astanasy Nıkosııada jergilikti Apoelmen ótkizgen Astana 2:1 esebimen jeńilip qaldy.
Birinshi taımda Apoel kóbirek shabýyldap, Nenad Erıchtiń qaqpasyna birneshe qaýip tóndirdi. Alaıda, oıynnyń 45-mınýtynda Nemanıa Maksımovıch gol soǵyp, Astanany alǵa shyǵardy.
Ekinshi taımda Apoeldiń jartylaı qorǵaýshysy Franko Vınısıýs astanalyq qorǵaýshy Abzal Beısebekovtiń qateliginin paıdalanyp esepti teńestirip ketti. Oıyn aıaqtalýǵa birneshe mınýt qalǵanda alań ıeleri taǵy gol soǵyp alǵa shyqty. Bul joly qatelik bizdiń qaqpashy Erıchten boldy. Al gol avtory shabýylshy Igor de Kamargo.
Osy topta qatar ótken kezdesýde Shveısarııanyń Iаng Boız komandasy Grekııanyń Olımpıakosymen oınap, 1:2 esebimen jeńildi.
Kelesi oıynda Astana qyrkúıektiń 29-y kúni óz alańynda Iаng Boızdy qabyldaıdy.