2015 jylǵy 28 jeltoqsan, Astana qalasy
Qazaqstan Respýblıkasynda kásiptik patologııa boıynsha medısınalyq kómekti uıymdastyrý standartyn bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 6) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynda kásiptik patologııa boıynsha medısınalyq kómekti uıymdastyrý standarty bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgeninen keıin on kúntizbelik kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde, sondaı-aq Qazaqstan Respýblıkasy normatıvtik quqyqtyq aktileriniń Etalondyq baqylaý bankine engizý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetti usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V.Soıǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne
áleýmettik damý mınıstri T.DÚISENOVA
KELISILDI
Qazaqstan Respýblıkasynyń Ulttyq ekonomıka
mınıstri __________________ E.Dosaev
2016 jyly 2 aqpan
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 28 jeltoqsandaǵy №1032 buıryǵymen bekitilgen
Qazaqstan Respýblıkasynda kásiptik patologııa boıynsha medısınalyq
kómekti uıymdastyrý standarty
1. Jalpy erejeler
1. Qazaqstan Respýblıkasynda kásiptik patologııa boıynsha medısınalyq kómekti uıymdastyrý standarty (budan ári – Standart) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 6) tarmaqshasyna sáıkes ázirlendi.
2. Osy Standart menshik nysanyna qaramastan medısınalyq uıymdarda kásiptik patologııa boıynsha pasıentterge medısınalyq kómek kórsetý tártibin belgileıdi.
3. Qazaqstan Respýblıkasynda kásiptik patologııa boıynsha medısınalyq kómek kórsetýdi uıymdastyrý «Qazaqstan Respýblıkasynyń halqyna kásiptik patologııa boıynsha medısınalyq kómek kórsetetin densaýlyq saqtaý uıymdarynyń qyzmeti týraly erejeni bekitý týraly» Qazaqstan Respýblıkasy Densaýlyq saqtaý mınıstriniń 2012 jylǵy 25 mamyrdaǵy № 374 (budan ári – № 374 buıryq) buıryǵymen (normatıvtik quqyqtyq aktilerin memlekettik tirkeý tiziliminde №7748 bolyp tirkelgen) bekitilgen Qazaqstan Respýblıkasynyń halqyna kásiptik patologııa boıynsha medısınalyq kómek kórsetetin densaýlyq saqtaý uıymdarynyń qyzmeti týraly erejeniń talaptaryna sáıkes júzege asyrylady.
4. Kásiptik patologııa boıynsha medısınalyq kómek kórsetetin uıymdardyń shtattary «Densaýlyq saqtaý uıymdarynyń úlgi shtattary men shtat normatıvterin bekitý týraly» Qazaqstan Respýblıkasy Densaýlyq saqtaý mınıstriniń 2010 jylǵy 7 sáýirdegi № 238 buıryǵymen (normatıvtik quqyqtyq aktilerin memlekettik tirkeý tiziliminde № 6173 bolyp tirkelgen) (budan ári – № 238 buıryq) bekitilgen densaýlyq saqtaý uıymdarynyń úlgi shtattary men shtat normatıvterine sáıkes belgilenedi.
5. Osy Standartta paıdalanylatyn termınder men anyqtamalar:
1) aýysym aldyndaǵy medısınalyq kýálandyrý - jeke tulǵany onda aýrýynyń bolý nemese bolmaý faktisin anyqtaý nemese rastaý, onyń densaýlyq jaǵdaıyn, sondaı-aq eńbekke ýaqytsha jaramsyzdyǵyn, kásiptik jáne ózge de jaramdylyǵyn aıqyndaý maqsatynda zerttep-qaraý;
2) beıindi maman – joǵary medısınalyq bilimdi, belgili bir mamandyq boıynsha sertıfıkaty bar medısına qyzmetkeri;
3) zııandy (erekshe zııandy) eńbek jaǵdaılary – belgili bir óndiristik faktorlardyń áseri qyzmetkerdiń eńbekke qabilettiliginiń tómendeýine nemese syrqattanýyna ne onyń urpaqtarynyń densaýlyǵyna teris yqpal etýine ákep soqtyratyn eńbek jaǵdaıy;
4) kásiptik aýrý (patologııa) – qyzmetkerdiń óz eńbek (qyzmet) mindetterin oryndaýyna baılanysty oǵan zııandy óndiristik faktorlardyń áser etýinen týyndaǵan sozylmaly nemese qatty aýrý (budan ári – kásiptik aýrý);
5) eńbek qyzmetine baılanysty jazataıym oqıǵa – óziniń eńbek (qyzmettik) mindetterin nemese jumys berýshiniń tapsyrmalaryn oryndaýy kezinde jumyskerdiń óndiristik jaraqattanýy, densaýlyǵynyń kenetten nasharlaýy nemese ýlanýy saldarynan onyń eńbekke qabilettiliginen ýaqytsha nemese turaqty aıyrylýyna ne qaıtys bolýyna ákep soqtyrǵan zııandy jáne (nemese) qaýipti óndiristik faktordyń jumyskerge áser etýi;
6) qaýipti eńbek jaǵdaılary – eńbekti qorǵaý qaǵıdalary saqtalmaǵan jaǵdaıda belgili bir óndiristik nemese joıýǵa bolmaıtyn tabıǵı faktorlardyń áseri jumyskerdiń óndiristik jaraqattanýyna, densaýlyǵynyń kenetten nasharlaýyna nemese ýlanýyna ákep soqtyratyn, sonyń saldarynan eńbekke qabilettilikten ýaqytsha nemese turaqty aıyrylýy, kásiptik aýrýǵa shaldyǵýy ne qaıtys bolýy oryn alatyn eńbek jaǵdaılary;
7) mamandandyrylǵan medısınalyq kómek – dıagnostıkanyń, emdeýdiń jáne medısınalyq ońaltýdyń mamandandyrylǵan ádisterin talap etetin aýrýlar kezinde beıindi mamandar kórsetetin, onyń ishinde telemedısına quraldaryn paıdalana otyryp kórsetetin medısınalyq kómek;
8) medısınalyq ońaltý – naýqastar men múgedekter organızminiń buzylǵan jáne (nemese) joǵaltqan fýnksııalaryn saqtaýǵa, ishinara nemese tolyq qalpyna keltirýge baǵyttalǵan medısınalyq qyzmetter kórsetý kesheni;
9) mindetti aldyn ala medısınalyq qarap-tekserý – jalpy, kásiptik aýrýdy eskertý, mamandyǵyna baılanysty mindetterdi oryndaýǵa jaramdylyǵyn anyqtaý maqsatynda jumysqa turý kezinde ótkiziletin medısınalyq tekserýler;
10) mindetti merzimdik medısınalyq qarap-tekserý – jumys isteýshiniń densaýlyq jaǵdaıyna dınamıkalyq baqylaýdy, aýrýdyń alǵashqy belgilerin der kezinde anyqtaýdy, jalpy, kásiptik aýrýlardyń aldyn alýdy qamtamasyz etý maqsatynda ótkiziletin medısınalyq tekserip-qaraýlar (budan ári – medtekserip-qaraýlar);
11) profılaktıka – aýrýlardyń paıda bolýynyń, olardyń erte satyda órshýiniń aldyn alýǵa jáne oryn alǵan asqynýlardy, aǵzalar men tinderdiń búlinýlerin baqylaýǵa baǵyttalǵan medısınalyq jáne medısınalyq emes is-sharalar kesheni;
12) tegin medısınalyq kómektiń kepildik berilgen kólemi (budan ári - TMKKK) – Qazaqstan Respýblıkasynyń azamattaryna jáne oralmandarǵa kórsetiletin medısınalyq qyzmetter kórsetýdiń tizbesi boıynsha biryńǵaı medısınalyq kómektiń kólemi.
2. Qazaqstan Respýblıkasynda kásiptik patologııa boıynsha medısınalyq
kómek kórsetetin uıymdar qyzmetteriniń negizgi baǵyttary
6. Qazaqstan Respýblıkasynda kásiptik patologııa boıynsha medısınalyq kómek kórsetetin medısınalyq uıymdardyń (budan ári – MU) maqsaty zııandy jáne qaýipti óndiristik faktorlardyń áserinen bolatyn kásiptik aýrýlardy erte anyqtaý jáne tómendetý, múgedektikti tómendetý arqyly Qazaqstan Respýblıkasynyń jumys isteıtin halyqtyń kútiletin eńbekke qabilettiligi men ómir súrý uzaqtyn ulǵaıtý bolyp tabylady.
7. Halyqqa kásiptik patologııa boıynsha medısınalyq kómek profılaktıkaǵa, dıagnostıkalaýǵa, qalpyna keltirip emdeýge jáne medısınalyq ońaltýǵa baǵyttalǵan is-sharalardy der kezinde ótkizý úshin ambýlatorııalyq-emhanalyq, stasıonarlyq, stasıonardy almastyratyn nysandarda TMKKK sheńberinde kórsetiledi.
8. MU negizgi qyzmetteri, fýnksııalary № 374 buıryqpen aıqyndalǵan.
9. Zııandy jáne (nemese) qaýipti eńbek jaǵdaılarynda jumys isteıtin adamdarǵa aldyn ala jáne merzimdik medısınalyq tekserip-qaraýlar ótkizýdi uıymdastyrý:
«Mindetti medısınalyq qarap tekserýdi ótkizý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń mindetin atqarýshynyń 2015 jylǵy 24 aqpandaǵy №128 buıryǵyna (normatıvtik quqyqtyq aktilerin memlekettik tirkeý tiziliminde №10634 bolyp tirkelgen) (budan ári – № 128 buıryq);
«Mindetti medısınalyq qarap tekserý ótkiziletin zııandy óndiristik faktorlardyń, kásipterdiń tizbesin bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 28 aqpandaǵy № 175 buıryǵyna (normatıvtik quqyqtyq aktilerin memlekettik tirkeý tiziliminde № 10987 bolyp tirkelgen) (budan ári – № 175 buıryq);
«Aýyr jumystar, eńbek jaǵdaılary zııandy (erekshe zııandy) zııandy jáne (nemese) qaýipti jumystar salasynda, jerasty jumystaryna eńbek sharttaryn jasasý úshin, sondaı-aq halyqtyń dekrettelgen tobyndaǵy adamdardy jumysqa jiberý úshin medısınalyq qarsy kórsetilimder tizbesin bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 mamyrdaǵy № 379 buıryǵyna (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 11466 bolyp tirkelgen) (budan ári – №379 buıryq) sáıkes júrgiziledi.
10. Aldyn ala jáne merzimdik medısınalyq tekserip-qaraý nátıjeleriniń qorytyndysy № 379 buıryqpen bekitilgen Kásibi boıynsha mindetterdi oryndaýǵa jaramdylyǵyn anyqtaý kezinde medısınalyq qarsy kórsetilimder tizbesin eskere otyryp, № 175 buıryqqa sáıkes beriledi.
11. MU medtekserip – qaraý nátıjesi boıynsha, odan ári baqylaý, emdeý jáne ońaltý boıynsha kelesi dıspanserlik toptardy qalyptastyrady:
1) D1 – ońaltýǵa muqtaj emes deni saý jumyskerler;
2) D2 – ártúrli aǵzalary men júıeleriniń turaqsyz fýnksııalyq ózgeristeri bar is júzinde deni saý jumyskerler;
3) D3 – jalpy aýrýlardyń bastapqy nysandarymen aýyratyn jumyskerler;
4) D4 – mamandyǵy boıynsha jumysyn jalǵastyrýǵa qarsy kórsetilimderi bar, sondaı-aq kórsetilimderi joq jalpy aýrýlardyń aıqyn nysandarymen aýyratyn jumyskerler;
5) D5 – aǵzaǵa zııandy óndiristik faktorlardyń áser etý belgileri bar jumyskerler;
6) D6 – kásiptik aýrý belgileri bar jumyskerler.
12. Uıym jumyskerlerine dárigerge deıingi medısınalyq kómek kórsetý jáne emdeý-profılaktıkalyq is-sharalar keshenin ótkizý úshin kásiporyndardyń janynan «Medısınalyq kómektiń túrleri men kólemderi bekitý týraly» Qazaqstan Respýblıkasy Úkimetiniń 2011 jylǵy 7 jeltoqsandaǵy № 1481 qaýlysyna sáıkes medısınalyq pýnkt uıymdastyrylady
13. Medısınalyq pýnkt menshik nysany men vedomstvolyq tıistiligine qaramastan, sondaı-aq osy uıymǵa qyzmet kórsetetin eldimekenderden tys ornalasqan MU-nyń qurylymdyq bólimshesi bolyp tabylady.
14. Medısınalyq pýnktiń jumysyn osy uıymǵa qyzmet kórsetetin MU nemese aýmaqtyq qaǵıdat boıynsha MU úılestiredi.
15. Medısınalyq pýnktiń mamany uıym jumyskerlerine medısınalyq-sanıtarııalyq alǵashqy (dárigerge deıingi medısınalyq kómek) kómek kórsetedi, oǵan:
1) jiti jáne sozylmaly aýrýlar, jaraqattar, ýlanýlar men basqa da shuǵyl jaǵdaılar kezinde jumyskerlerge dárigerge deıingi jáne shuǵyl medısınalyq kómek kórsetý;
2) medısınalyq uıymdarǵa naýqastar men zardap shekkenderdi tasymaldaýdy uıymdastyrý;
3) dárigerdiń taǵaıyndaýlaryn oryndaý;
4) dárigerdiń taǵaıyndaýlaryna (ıneksııalar, tańýlar, fızıoemsharalar) sáıkes emdeý jáne ońaltý is-sharalaryn ótkizý;
5) profılaktıkalyq ekpeler júrgizý (qyzmetkerlerdiń ruqsaty bolǵan jaǵdaıda);
6) bilikti medısınalyq kómek alýǵa joldama;
7) jumyskerdiń merzimdik medısınalyq qarap-tekserýden ýaqtyly ótýin monıtorıngileý;
8) kásiporynnyń aýmaǵynda sanıtarııalyq-epıdemıologııalyq (profılaktıkalyq) is-sharalar ótkizý;
9) kásiporyn jumyskerleriniń arasynda buqaralyq aqparat quraldaryn paıdalana otyryp, túsindirý jumystaryn júrgizý, aýrýdyń profılaktıkasy jáne salamatty ómir saltyn qalyptastyrý boıynsha stendterdi jáne kórnekti aqparatty resimdeý;
10) jedel jáne daǵdarys jaǵdaıynda ózine-ózi jáne ózara kómek kórsetý, ózin-ózi saqtaý minez-qulyq daǵdylaryn sińirý ádisterine kásiporyn jumyskerlerin oqytý arqyly azamattardyń densaýlyǵyn saqtaý prosesine qatystyrý;
11) profılaktıkalyq tekserip-qaraýlardyń jáne skrınıngtik zertteýlerdiń nátıjeleri boıynsha kásiptik aýrýlardyń qaýip faktorlary bar jumyskerlerdi baqylaý;
12) uıym (kásiporyn) jumyskerleriniń sanıtarııalyq-epıdemıologııalyq jaǵdaıyn jaqsartý boıynsha usynystardy engizý;
13) profılaktıkalyq jáne saýyqtyrý is-sharalar keshenin ázirleýge jáne ótkizýge, onyń ishinde kásiporyndardaǵy merzimdik medısınalyq qarap-tekserýlerdiń nátıjeleri boıynsha usynymdardyń oryndalý barysyn qadaǵalaýǵa qatysý;
14) «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵymen (Memlekettik normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) (budan ári - № 907 buıryq) bekitilgen nysan boıynsha medısınalyq qujattardy esepke alý-eseptilik júrgizý.
16. Aýysym aldy medısınalyq kýálandyrý jumys aýysymynyń bastalýynan 1 saǵat jáne 30 mınýt buryn júrgiziledi.
17. MU kásiporynnyń medısınalyq pýnktimen birlesip, jyl saıyn dıspanserlik top jumysshylaryna saýyqtyrý is-sharalaryn ázirleıdi jáne júzege asyrady, ońaltý, profılaktıkalyq emdeý-dıagnostıkalyq is-sharalardy ótkizedi.
18. Kásiporyn jumyskerlerdin dıspanserleý, kásiptik aýrýlary bar adamdardy dıspanserleý jáne medısınalyq ońaltý kásiporynǵa qyzmet kórsetetin nemese jumyskerdiń tirkelgen jeri boıynsha densaýlyq saqtaý uıymdaryna júkteledi.
19. Kásiporyndardaǵy jumyskerlerdi dıspanserleýdi, kásiptik aýrýlary bar adamdardy dıspanserleý jáne medısınalyq ońaltýdy baqylaý oblystyq (qalalyq) kásiptik patologııa kabınetterine júkteledi.
20. MU dárigeri merzimdik medısınalyq qarap-tekserý nemese jumyskerdiń belsendi qaralýy kezinde anyqtalǵan kásiptik patologııalyq aýrý belgileri bar jumyskerlerdi kásiptik patolog dárigerge konsýltasııa alý úshin jiberedi.
21. Kásiptik patolog dáriger jumyskerdiń eńbek qyzmetin rastaıtyn qujattaryn, aldyn ala jáne merzimdik medısınalyq qarap-tekserýlerdiń derekterin, jumysker aýrýynyń anamnezin zerdeleıdi. Qajet bolǵan jaǵdaıda qosymsha medısınalyq zerttep-qaraýlarǵa jiberedi.
22. Jumyskerdiń eńbek jaǵdaıyna sanıtarııalyq-epıdemıologııalyq sıpattamany usyný úshin kásiporynǵa qyzmet kórsetetin MU-nyń basshysy nemese aýmaqtyq MU-nyń basshysy Qazaqstan Respýblıkasy halqynyń sanıtarııalyq-epıdemıologııalyq salamattylyǵy salasyndaǵy memlekettik organnyń vedomstvosynyń aýmaqtyq bólimshesine suratý jiberedi.
23. Qazaqstan Respýblıkasy halqynyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvosynyń aýmaqtyq bólimshesi jumyskerdiń eńbek jaǵdaıynyń sanıtarııalyq-epıdemıologııalyq sıpattamasyn jasaıdy jáne óndiristik ortanyń zerttelýi joq bolǵan jaǵdaıda ǵylymı ádebıet, úlgileý derekterin, sondaı-aq «Halyqtyń ınfeksııalyq jáne parazıttik, kásiptik aýrýlary men ýlaný jaǵdaılaryn tekserý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 23 maýsymdaǵy № 440 buıryǵyna (normatıvtik quqyqtyq aktilerin memlekettik tirkeý tiziliminde № 11748 bolyp tirkelgen) (budan ári - № 440 buıryqqa) sáıkes uqsas keń taraǵan óndiristik jaǵdaılardyń jasandylyǵyn esepke alady.
24. Ortalyqtyń klınıkasyna jáne onyń fılıaldaryna jiberedi:
1) kásiporynǵa qyzmet kórsetetin densaýlyq saqtaý uıymy;
2) jumyskerdiń tirkelgen turǵylyqty jeri boıynsha densaýlyq saqtaý uıymy;
3) kásiptik patologııa kabınetteri;
4) kúrdeli jáne daýly jaǵdaılar oryn alǵan kezde Ortalyq fılıaldarynyń klınıkalary júzege asyrady.
25. Kásiptik patologııa kabınetiniń jáne (nemese) MU kásiptik patolog dárigeri kásiptik aýrýlarǵa kúdikti jáne aýyratyn adamdardyń Ortalyqtyń klınıkasyna ýaqtyly zerttep-qaralýyn, emdelýin jáne jiberilýin qamtamasyz etedi.
26. Ortalyqtyń klınıkasyna jiberý týraly másele osy kásiporynǵa qyzmet kórsetetin MU dárigerlik-konsýltasııalyq komıssııasy sheshedi nemese aýmaqtyq qaǵıdat boıynsha sheshiledi.
27. Kásiptik aýrýlarǵa kúdigi bar adamdardy Ortalyqtyń klınıkasyna zerttep-qaraýǵa jiberý kezinde zııandy jáne qaýipti eńbek jaǵdaıyndaǵy jumys ótili - ınfeksııalyq jáne allergııalyq etıologııa men ýlaný aýrýlaryn qospaǵanda, zııandy jáne qaýipti eńbek jaǵdaıynda úzdiksiz eńbek ótili 8 jyldan kem emes úzdiksiz ótili esepke alynady.
28. Ortalyqtyń klınıkasyna zerttep-qaraýǵa zııandy jáne qaýipti eńbek jaǵdaıynda jumysyn toqtatqannan keıin kásiptik aýrýlarǵa kúdigi bar pasıentter úsh jyl boıy jiberiledi.
29. Ortalyqtyń klınıkasyna pasıentti emdeýge jatqyzýǵa jiberý № 440 buıryqqa sáıkes qujattar toptamasy bolǵan jaǵdaıda ǵana júzege asyrylady.
30. Ortalyqtyń klınıkasyna emdeýge jatqyzý «Tegin medısınalyq kómektiń kepildik berilgen kóleminiń sheńberinde stasıonarǵa josparly emdeýge jatqyzý bıýrosy portaly arqyly uıymdastyrý jónindegi nusqaýlyqty bekitý týraly» Qazaqstan Respýblıkasy Densaýlyq saqtaý mınıstriniń 2010 jylǵy 3 tamyzdaǵy № 492 buıryǵyna (Normatıvtik quqyqtyq aktilerdi memlekettik tirkeý tiziliminde № 6380 bolyp tirkelgen) sáıkes júrgiziledi.
31. Medısınalyq uıymdaǵy kásiptik patologııa kabıneti men kásiptik patologııa bólimshesiniń jumysyn uıymdastyrý № 374 buıryqqa sáıkes júrgiziledi.
32. Pasıenttiń aýrýynyń anamnezi, eńbek jaǵdaıy, medısınalyq qarap-tekserýlerdiń nátıjeleri týraly tolyq emes aqparattar usynylǵan jaǵdaıda:
1) pasıentti jibergen densaýlyq saqtaý uıymyna; 2) jumys berýshige;
3) Qazaqstan Respýblıkasy halqynyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvosynyń aýmaqtyq bólimshelerine qosymsha aqparatqa suratý resimdeledi.
33. Ortalyqtyń konsýltasııalyq-dıagnostıkalyq bólimshesiniń mamany aldyn ala dıagnoz qoıady, klınıkalyq hattamalarǵa sáıkes zerttep-qaraýlar men emdeýdi taǵaıyndaıdy.
34. Pasıentti zerttep-qaraý Ortalyqtyń konsýltasııalyq-dıagnostıkalyq bólimshesi nemese stasıonardyń bólimsheleri jaǵdaıynda júrgiziledi.
35. Quramynda dáriger, bólimshe meńgerýshisi jáne konsýltant (joǵary bilikti kásiptik patolog maman, medısına ǵylymdarynyń doktory nemese kandıdaty) bar dárigerlik saraptaý komıssııasy (budan ári – DSK) pasıenttiń zerttep-qaraý nátıjelerin taldap, aýrýdyń asqynýlaryn jáne qosalqy patologııasyn kórsete otyryp, tolyq klınıkalyq dıagnozyn belgileıdi.
36. Kásiptik aýrýdyń klınıkalyq dıagnozy (onyń oryndaıtyn jumysyna nemese mamandyǵyna baılanysy) № 379 buıryqpen bekitilgen Kásiptik aýrýlar men ýlanýlar tizbesine sáıkes sanıtarııalyq-epıdemıologııalyq sıpattamada, aýrý anamnezinde, klınıkalyq derekteride, zerttep-qaraý nátıjelerinde, kórsetilgen zııandy jáne qaýipti eńbek jaǵdaıyna, pasıenttiń kásibı baǵdarynyń negizinde belgilenedi.
37. Emdeýshi dáriger pasıentti № 440 buıryqqa sáıkes aýrýlardyń sáıkes beıinine baılanysty kásiptik patologııa jónindegi saraptaý komıssııasyna jiberedi.
Buıryq Qazaqstan Respýblıkasynyń Ádilet mınıstrliginde 2016 jylǵy 3 naýryzda Normatıvtik quqyqtyq kesimderdi memlekettik tirkeýdiń tizilimine №13386 bolyp engizildi.