KAZRC geologııalyq barlaý jumystarynyń nátıjeleri, mıneraldy resýrstar men qorlar jónindegi jarııa eseptiliktiń qazaqstandyq kodeksin CRIRSCO Halyqaralyq standarttar jónindegi komıteti maquldaǵan. Bul týraly keshe Ortalyq kommýnıkasııalar qyzmetinde ótken baspasóz máslıhatynda Investısııalar jáne damý mınıstrliginiń Geologııa jáne jer qoınaýyn paıdalaný komıtetiniń tóraǵasy Bazarbaı Nurabaev habarlady.
Atalǵan baspasóz málıhatyna «KAZRC geologııalyq barlaý jumystarynyń nátıjeleri, resýrstar men qorlar týraly buqaralyq eseptiliktiń qazaqstandyq qaýymdastyǵy» zańdy tulǵalar birlestiginiń atqarýshy dırektory Sáýle Orazaeva, «JTSKB» jer qoınaýyn paıdalanýdaǵy táýelsiz sarapshylar kásibı birlestigi atqarýshy komıtetiniń múshesi Nıkolaı Enshın qatysty.
Geologııa jáne jer qoınaýyn paıdalaný komıteti tóraǵasy osylaısha elimizge qatty paıdaly qazbalar qory jóninde esep berýdiń halyqaralyq standarttar júıesi engizilgenin atap ótti. Geologııalyq barlaý jumystaryndaǵy bul jetistik «100 naqty qadam» Ult josparynyń aıasynda júzege asyrylyp otyr. Kodeks kompanııalardyń mıneraldy-shıkizat aktıvterin táýelsiz baǵalaýdy daıarlaýǵa, sondaı-aq, jer qoınaýyn paıdalaný jobalaryn qarjylandyrý maqsatymen otandyq jáne sheteldik alańdarda ınvestısııalar tartýǵa arnalǵan.
«Is júzinde jer qoınaýyn paıdalaný salasyndaǵy álemniń barlyq bırjalary CRIRSCO standarttary boıynsha ázirlengen eseptilikti qabyldaıdy. О́ıtkeni, bul standarttar ınvestorlar úshin negizgi qaýip – kompanııalardyń eseptiliginde kórsetilgen resýrstar men qorlardy rastaı almaý qaýpin edáýir azaıtýǵa sebepshi bolady», dedi B.Nurabaev. Onyń aıtýynsha, CRIRSCO komıtetine Qazaqstannan KAZRC qaýymdastyǵy múshe boldy.
Eseptiliktiń halyqaralyq standarttaryna kóshý Qazaqstanda ıýnıorlyq kompanııalar naryǵyn qurýǵa jáne damytýǵa yqpal etedi jáne barlaý jumystarynyń kólemin arttyrý arqyly jańa ken oryndaryn ashýǵa múmkindik týdyrady, sondaı-aq, halyqaralyq bırjalarǵa shyǵý úshin usynylatyn aqparattyń ashyqtyǵy men durystyǵyn qamtamasyz etedi dep kútilýde.
Qazirgi ýaqytta Qazaqstanda 24 qana jer qoınaýyn paıdalanýshy kompanııa Qazaqstan qor bırjasynda ınvestısııalyq qarajat tartady jáne nebári 7 kompanııa ǵana sheteldik bırjalarda tirkelgen.
IDM Geologııa jáne jer qoınaýyn paıdalaný komıteti osy rette birneshe baǵyt boıynsha jumys júrgizýdi josparlaýda. Máselen, KAZRC standarttary boıynsha bırjaǵa usyný úshin eseptilikti qurastyrý máselesin jer qoınaýyn paıdalanýshy kompanııalarmen talqylaýdy qolǵa almaq. Sondaı-aq, ulttyq kompanııa retinde «Qazgeologııa» AQ-ta KAZRC standarttary boıynsha birlesken ınvestısııalyq barlaý jobalary jónindegi eseptilikti qurastyra bastaýy tıis. О́ıtkeni, «Qazgeologııa» kompanııasynyń ınvestısııalyq seriktesteri – óz tájirıbesinde halyqaralyq standarttardy paıdalanatyn, ken óndiretin álemniń iri kompanııalary.
Dınara BITIKOVA,
«Egemen Qazaqstan»