Búkilálemdik boks keńesiniń (WBC) prezıdenti Maýrısıo Sýleıman argentınalyq Horhe Sebastıan Heılandtyń (28-4-2, 15 KO) qazaqstandyq Gennadıı Golovkınmen (36-0, 33 KO) jekpe-jek ótkizýge laıyq ekenin málimdedi, - dep habarlaıdy Vesti.kz sport saıty BoxingScene.com basylymyna silteme jasap.
Aıta keteıik, Heılan WBC reıtınginde orta salmaqta birinshi orynda tur, al Golovkın bul uıymnyń chempıony. Sondaı-aq, qazaqstandyq boksshy orta salmaqtaǵy WBA (Super), IBO jáne IBF tujyrymdarynyń ıesi.
"Heılandqa WBC keń qoldaý bildiredi, ol jaqsy jigit. Jaqynda áıeli bosandy, ol osy múmkindikke laıyq. Biraq bul jaǵdaıda asa saq bolýymyz kerek. Bárimiz biletindeı, Gennadıı Golovkın bizdiń chempıon bolý úshin eki jyl boıy úmitker bolǵan", - dep málimdedi Maýrısıo Sýleıman.
Eske salaıyq, Búkilálemdik boks assosıasııasy Golovkındy Djeıkobspen judyryqtasý úshin kelisimshart jasasýǵa 30 kún bergen.
Sonymen qatar, WBA gonorardy bólýde de Golovkın jaǵyna shyqqan, al bul áreket promoýter Tom Lefflerdiń oıynsha, Djeıkobspen kelisimshart jasasýǵa qıyndyqtar týǵyzady. Ázirshe aldyn ala promoýterlik saýda 22 qazanǵa belgilengen.