Qazaqstan halqy Assambleıasy – Prezıdenttiń ujymdyq áriptesi, halqymyz qurýǵa umtylyp otyrǵan Bolashaǵy birtutas eldiń modeli! Sondyqtan da Assambleıa eldik máni bar is-sharalardyń árdaıym kósh basynda keledi.
Solardyń biri – bıyl elimiz Táýelsizdiginiń 25 jyldyǵyna arnalyp ótkiziletin, Assambleıa etnojýrnalıstıka salasynda jyl saıyn uıymdastyryp kele jatqan «Shańyraq» shyǵarmashylyq konkýrsy. Ýaqyt ótken saıyn qanatyn keńge jaıyp, mazmuny baıyp, qatysýshylary kóbeıip kele jatqan «Shańyraq» shyǵarmashylyq konkýrsynda sońǵy 5 jyldyń ózinde respýblıkalyq deıgeıdegi buqaralyq aqparat quraldarynyń – 17, óńirlik deńgeıdegi buqaralyq aqparat quraldarynyń 25 ókili jeńimpaz dep tanyldy.
Bul konkýrs elimizdiń shırek ǵasyrlyq shejiresin quraıtyn jaılardy, sonyń ishinde qoǵamdyq kelisim men jalpyulttyq birlikti, qasıetti qazaq jerin mekendegen júzden astam etnostardyń ózara tatýlyǵy men barsha ulysty uıytyp otyrǵan qazaq eliniń órkendeýin jazyp-kórsetýge úles qosyp kele jatqan belsendi jýrnalısterdi yntalandyrýdy kózdeıdi.
Bıylǵy, Qazaqstan Respýblıkasy Táýelsizdiginiń 25 jyldyǵyna arnalǵan «Shańyraq» konkýrsynyń úzdikterin saltanatty marapattaý rásimi 21 qazan kúni saǵat 15.00-de «Shabyt» ulttyq óner ýnıversıtetinde ótedi.
«Egemen-aqparat»