Shveısarııalyq iskerler agrotýrızmdi damytpaq

Almatyda megapolıstiń kásipkerleri men shveısarııalyq iskerler qaýymy kezdesti. Ortaq aýandaǵy áńgimege ınvestısııa­lyq tartymdylyq, qarjy-qarajat, qury­lys, kólik logıstıkasy, medısına men hımııa ónerkásibi, týrızm jáne qonaq úı bıznesi salasyndaǵy áriptestik baılanystardy damytý arqaý boldy. Jeneva kantonynyń ekonomıka jáne qaýipsizdik mınıstri Per Mode bastaǵan bıznesmender tobynyń quramynda Shveısarııanyń eń iri 28 ınvestısııalyq kompanııalarynyń ókilderi bar eken. Álemdegi adamnyń ómir súrýine qolaıly dep tanylǵan memleketterdiń kóshin bastap turǵan Shveısarııa iskerleriniń yqylasy Almatyǵa shyndap aýǵanǵa uqsaıdy. Ásirese, Alataý baýraıyndaǵy tumsa tabıǵat pen yńǵaıly tirshilik ortasy agrotýrızm úshin taptyrmaıtyn daıyn jol ekeni aıtyldy. Týrızm damyǵan jerde birneshe sabaqtas baǵyttyń da alǵa basýyna jol ashylatyny aıan. Qonaq úı, qyzmet kórsetý, kólik tasymaly, azyq-túlik beldeýin qalyptastyrý sııaqty jymdasyp, jalǵasatyn salanyń órisi keńeıedi. Almatynyń kásipkerleri úshin jańa múmkindikterdiń esigi ashylǵaly tur. Jergilikti bılik te kásip­kerler palatasynyń bastamasyn qoldap otyr. Sol arqyly qalanyń áleý­mettik máseleleriniń ońtaıly sheshilýine múddeli. Ýaǵdalasqan jobalar sátti júzege asatyn bolsa, qosymsha jumys oryndary ashylyp, halyqtyń ál-aýqatyn túzeýge sebin tıgizbek. Jalpy, Qazaqstan men Shveısarııa arasyndaǵy iskerlik baılanystardyń tamyry tereńde jatyr. Ásirese, eki el arasyndaǵy taýar almasý jaqsy jolǵa qoıylǵan. Mysalǵa, bıylǵy jyldyń basynan beri syrtqy saýda áriptestiginiń nátıjesinde 2,1 mlrd AQSh dollaryna teń taýar almasý júzege asqan. Onyń 2,09 mlrd dollardan astamy eksport ónimderiniń úlesi bolsa, ımport mólsheri 58,6 mıllıondy qurap otyr. Almaty qalasy kásipkerler palata­synyń muryndyq bolýymen ótken isker­lik basqosýdyń nátıjesinde eki el ara­syndaǵy saýda yntymaqtastyǵy jarasyp, tabys eki esege deıin eselenedi dep kútilýde. Sóıtip, aldaǵy jyldary Jenevadan Qazaqstanǵa baǵyttalǵan qar­jylyq, taýarlyq ónimniń úlesi bas­tapqy sanatqa shyqpaq. Qazirgi kúni Shveı­sarııanyń bizdiń elmen taýar almasýy Reseı, Qytaı, Italııa, Gollandııa jáne Fransııadan keıingi orynda. Qalmahanbet MUQAMETQALI, «Egemen Qazaqstan» Almaty