2016 jyly jalǵan kásipkerlikten memleketke 94 mlrd teńge zardap keldi. Bul týraly búgin QR Joǵary Sotta ótken «Ekonomıkalyq qylmystarǵa baılanysty isterdi qaraý kezindegi ózekti problemalar» atty dóńgelek ústelde QR Qarjy mınıstrligi Memlekettik kirister komıteti tóraǵasynyń orynbasary Tileý Jańǵarashev málim etti.
«Jalǵan kásipkerlik arqyly salyqtan jaltarý, qarajatty zańsyz syrtqa shyǵarý nemese kerisinshe ony zańdastyrý syndy quqyqbuzýshylyqtar jasalady. Resmı statıstıka boıynsha, 2015 jyly atalmysh qylmystardyń kesirinen memleketke 92 mlrd teńge zalal kelgen. 2016 jyldyń 9 aıynda onyń kólemi 94 mlrd teńgeden asyp otyr. Biz buny memlekettiń ekonomıkalyq qaýipsizdigine kelip otyrǵan tikeleı qaýip dep sanaımyz. «Kóleńkeli ekonomıkanyń» úlesi JIО́-niń 28 paıyzyn quraıdy. Onyń negizgi bóligin jalǵan kásipkerlik arqyly zańsyz qarajatty zańdastyrý alyp jatyr. Qazirgi ýaqytta ekonomıkalyq tergeý organdarynyń qaraýynda 2 myńnan astam qylmystyq is bar. Onda shamamen 15 myńnan astam kontragent tergeýge alynyp otyr», - deıdi ol.
Onyń aıtýynsha, tıisti zańdarǵa ózgertýler men tolyqtyrýlar engizilmese, jalǵan kásipkerlikke qatysy joq bızneske zalaly kelýi yqtımal. Sebebi tergeýge alynǵan kontragentterdiń qatarynda óz isin adal atqaryp júrgen kásipkerler de bar.
О́z kezeginde «Atameken» Ulttyq kásipkerler palatasynyń basqarma tóraǵasynyń orynbasary Rýstam Júrsinov Qylmystyq Kodekstiń jalǵan kásipkerlik týraly 215-babynyń qurylymyn qaıta qaraý qajettigin atap ótti. «Jalǵan kásipkerlik degen qylmys TMD elderiniń Reseı, Qazaqstan jáne Belarýs memleketterinen basqa elde joq», - deıdi R. Júrsinov.
Sondyqtan ol tergeý barysynda adal kásipkerlerdiń kásibin «tunshyqtyryp» tastamaý maqsatynda túbegeıli ózgeristerdiń qajettiligin atap ótti.