EKSPO-2017 qarsańynda sheteldik týrıstermen erkin tildesýi úshin 1,6 myń polıseı aǵylshyn tiline oqytylyp jatyr, dep habarlaıdy "Egemen-aqparat" QazAqparatqa silteme jasap.
«Aldyn ala boljamdarǵa sáıkes, «EKSPO-2017» kórmesine 100-den astam memleket qatysady dep kútilýde jáne 2 mıllıonnan astam týrıst keledi dep topshylanýda. Osy oraıda, sheteldik týrıstermen erkin baılanys ornatý maqsatynda EKSPO kórmesine tartylatyn ishki ister organdarynyń 1600 qyzmetkerine aǵylshyn tiliniń kýrstary uıymdastyryldy», - dep atap ótti QR Ishki ister mınıstrligi «QazAqparat» agenttiginiń resmı saýalyna bergen jaýabynda.
Eske sala keteıik, EKSPO kórmesi Astanada 2017 jyldyń 10 maýsymynan 10 qyrkúıegine deıin jalǵasady. Oǵan 2 mıllıonnan astam adam keledi dep kútilýde. «EKSPO-2017» kórmesiniń taqyryby - Bolashaq energııasy». Uıymdastyrýshylardyń aıtýynsha, kórmege búkil álemnen energotıimdilik, balamaly energııa kózderi salasyndaǵy jańa tehnologııalar ákelinedi. Buryn habarlaǵanymyzdaı, Qazaqstan EKSPO mamandandyrylǵan kórmesine eń kóp qatysýshy memleketterdi tarta bilgen úzdik úsh uıymdastyrýshylardyń qataryna enýi yqtımal.