Oblys ortalyǵyndaǵy «Avtobasqarý» aıaldamasynda jyly pavılon turǵyzý jumystary bastaldy, taǵy bir jylytý kesheni «Sport saraıy» aıaldamasynda paıda bolady, dep habarlady YK-news.kz.
«Keshenniń bir bóligi jabyq, biraq jylýsyz bolady. Ekinshi bóligine jylý beriledi. Jylýdan bólek, beınebaqylaý kameralary ornatylady jáne Wi-Fi taratý da josparlanǵan», - dedi О́skemen turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń basshysy Asqar Jaqsylyqov.
Sonymen birge ol jyly aıaldamanyń elektrondy qulpy bolatynyn, túngi on ekide avtomatty túrde jabylatynyn atap ótti. Jáne tańerteń qoǵamdyq kólik júre bastaǵanda pavılon ashylady.
Qala ákimshiligi qys kelgenshe eki aıaldama qurylysynyń da aıaqtalatynyn jetkizdi.