Qytaı aýmaǵyna Qazaqstannyń 9 óńirinen et ónimderin eksporttaýǵa qoıylǵan shekteý alynyp tastaldy, dep habarlaıdy egemen.kz 24.kz-ke silteme jasap.
Buǵan osy aımaqtardyń aýsyl dertinen taza bolýy sebep. Jalpy 2013 jyldan beri elimizdiń barlyq óńirinen Qytaı eline et jáne et ónimderin tasymaldaýǵa tyıym salynǵan edi. Endi otandyq sharýalar taýarlaryn kórshi elge shyǵara alady. О́ńirlerde arnaıy tekseris júrgizgen qytaılyq mamandar ettiń sapasyna joǵary baǵa bergen. Qazir Qazaqstan Qytaıǵa 60 myń tonna sıyr jáne 300 myń tonna qoı etin eksporttaýǵa daıyn. QR AShM Veterınarlyq qadaǵalaý jáne baqylaý komıteti tóraǵasynyń orynbasary Oljas Aýsabaev "Qazirgi tańda Qytaıdan jalpy jyldyq esebinde alatyn bolsaq, 6 mln 800 myń tonna et ónimderi ımporttalyp, ózderiniń et óndirý qabileti 5 mln 800 myń tonna bolyp sanalady. Eseptesek, 1 mln tonnasy defısıt bolyp tur. Sol úshin de olar qazir shet memleketterden et ónimderin ımporttaýǵa májbúr bolyp otyr", - dedi. Qytaımen alys-beris jandanyp jatqanda Reseıden elimizge aýylsharýashylyq ónimderin engizýge ýaqytsha tyıym salyndy. Aýsyl dertiniń ýshyǵýyna baılanysty kórshi elden qoı, sıyr, dońyz etine jáne sút ónimderin jetkizýge shekteý qoıyldy.