«Astana EKSPO-2017» UK» AQ Basqarma tóraǵasy Ahmetjan Esimovtiń Brazılııa ulttyq sektorynyń komıssary Zoltır Chıapettımen jáne Brazılııa Federatıvtik Respýblıkasynyń Qazaqstan Respýblıkasyndaǵy Tótenshe jáne О́kiletti elshisi Demetro Býeno Karvalomen kezdesýi ótti.
Kezdesý barysynda Ahmetjan Esimov brazılııalyq tarapty Kórmeni daıyndaý boıynsha júrgizilip jatqan jumystar jaıly habardar etti. «Dúısenbide (31 qazan) biz alǵash halyqaralyq pavılondardy, sonymen qatar páterlerdi EKSPO-ǵa qatysýshy memleketterge tabystaýdy bastaımyz»,- dep atap kórsetti ulttyq kompanııa Basqarmasynyń tóraǵasy.
О́z kezeginde Zoltır Chıapettı jańartylatyn energııa kózderi boıynsha óz ázirlemelerin Astana qalasyndaǵy EKSPO-2017 kórmesinde kórsetý múmkindigi úshin alǵys bildirdi.
«Biz úshin bul óte mańyzdy oqıǵa, óıtkeni Brazılııada jańartylatyn energııa kózderiniń úlesi 73,5 paıyz shamasyn quraıdy. Bul bizdiń bolashaq energııasy boıynsha ázirlemelerimizdi kórsetý múmkindigi. Elde gıdroenergetıka, jel, kún jáne basqa energııalar óte damyǵan. Biz osy Kórmede sizderdiń úmitterińizdi aqtaýǵa tyrysamyz», - dep málimdedi Brazılııa ulttyq seksııasynyń komıssary.
Búgingi kúnge EKSPO-2017 kórmesine qatysýdy resmı túrde 105 el rastady, 101 el ózderiniń ulttyq komıssarlaryn taǵaıyndady. Qazirgi mezette kompanııa ekspozısııalardyń jobalaryn qabyldaýǵa kiristi.