Kolonııaǵa bıznesti tartýda respýblıkanyń penıtensıarlyq júıesi zamanǵa saı jumystar atqarýda. Bul týraly QR IIM Qylmystyq-atqarý júıesi (QAJ) komıtetiniń baspasóz qyzmeti habarlady.
«QAJ komıtetiniń alqa májilisinen málim bolǵanyndaı, metall ónimderin, keńse jáne mektep jıhazdaryn, qurylys materıaldaryn, tigin jáne aýyl sharýashylyǵy ónimderin qaıta óńdeýmen qatar, mekemede bıyl iske qosylǵan jańa óndiris túrleri de damyp jatyr.
Birinshi kezekte, qus sharýashylyǵy, kondıterlik ónimder daıyndaý jáne dezınfeksııalaıtyn quraldar shyǵarý», - dep atap ótti respýblıkalyq penıtensıarlyq júıe mekemesiniń baspasóz qyzmeti.
Mańǵystaý, Soltústik Qazaqstan, Qaraǵandy, Shyǵys Qazaqstan, Jambyl jáne Aqmola oblystarynyń QAJ mekemelerinde bıznesti tartý boıynsha oń nátıjeler baıqaldy. Qazirgi ýaqytta 174 jeke kásipker respýblıkanyń QAJ júıelerindegi tutqyndaryn jumyspen qamtyp, óndiristi tabyspen damytyp jatyr. Máselen, 2016 jyly Pavlodar oblysynyń eki kolonııasynda qosymsha jabynǵylar shyǵarý aǵash óńdeý ashyldy.
Al Aqmola oblysynyń ES-166/25 mekemesinde shaǵyn arhıtektýralyq qalyptar ázirleý sekildi óndiristiń jańa túri ıgerildi. Bul qalyptar qurylys nysandaryn tapsyrýda balalar alańqaıy men sporttyq alańdarǵa mindetti túrde ornatylady. «Odan bólek, 21 sottalýshy (Qyzylorda, SQO, Mańǵystaý jáne ShQO) jeke eńbekpen aınalysady», - dep tolyqtyrdy QAJ komıteti.