"Qazposhta" AQ Rıo-de-Janeıroda ótken Olımpıada Oıyndarynyń júldegerlerine arnap poshtalyq markalardy shyǵardy, dep xabarlaıdy QazAqparat.
"Qazposhta" AQ QR Ulttyq Olımpıadalyq komıtetimen birlese otyryp, "Sport" toptamasyndaǵy "Rıo-de-Janeırodaǵy HHHI Olımpıada Oıyndary" taqyrybyndaǵy poshtalyq markalardy shyǵardy. Poshtalyq markalarda 2016 jylǵy Rıo-de-Janeırodaǵy HHHI Olımpıada Oıyndarynyń altyn jáne kúmis júldegerleri Danııar Eleýsinov, Dmıtrıı Balandın, Nıjat Raxımov, Gúzel Manıýrova, Jazıra Japparqul, Vasılıı Levıt, Eldos Smetov, Ádilbek Nııazymbetov beınelengen.
Astanada ótken markalarǵa mór basý saltanatyna Ádilbek Nııazymbetov, Dmıtrıı Balandın, Nıjat Raxımov, Vasılıı Levıtter keldi.
"Esimimizdi markalarda máńgi qaldyryp otyrǵan Ulttyq Olımpıada komıtetine jáne Qazposhtaǵa úlken alǵysymdy bildirgim keledi. Bizder úshin bul óte úlken mártebe", - dedi júzýden Olımpıada oıyndarynyń chempıony Dmıtrıı Balandın.
Markalar 4 boıaýly ofsetti tásilmen basylǵan. Perforasııasy jotaly. Taralymy 40 myń dana. Belgilengen baǵasy 200 teńge.