Biryńǵaı kezekshiler dıspetcherine «Joǵarǵy Tobyl sý qoımasynda «Nıva» kóligi muzǵa túsip ketipti» degen sýyt habar kelisimen qutqarýshylar jedel jolǵa shyqqan. Mashınanyń ishinde balyq aýlap júrgen tórt kisi bolǵan. Olar muzdyń oıylyp ketkenin sezgen soń-aq, mashına kabınasynan shyǵyp úlgerip, muzdardyń ústinde júredi. Olardyń arasynda bireýi belýarynan sýǵa túsip ketip, jedel kómeksiz jaǵdaıy qıyndaı bastaǵan edi.
Lısakov qalasynan quramynda tórt 4 adam bar qutqarýshylar toby men bir tehnıka balyqshylardy ýaqyt utqyzbaı taýyp alady. Olarǵa Lısakov qalalyq jáne Denısov aýdandyq tótenshe jaǵdaılar bólimsheleriniń basshylary da jetken bolatyn. Olar 1976, 1983, 1982 jáne 1952 jyly týǵan tórt balyqshyny muz ústinen túsirip aldy. Ábden tońyp, saýsaqtary úse bastaǵan balyqshy Lısakov qalalyq aýrýhanasyna jetkizildi.
Názıra Járimbetova,
"Egemen Qazaqstan".
Qostanaı