Turaqtylyq, beıbitshilik – el yrysy

Keshe Shymkentte “Nur Otan” HDP bastamasymen qurylǵan “Qazaqstan-2020” Jalpyulttyq demokratııalyq kúshter koalısııasynyń músheleri men prezıdenttikten úmitker N.Nazarbaevty qoldaý jónindegi respýblıkalyq shtab ókilderi Ońtústik Qazaqstan oblysynda jurtshylyq ókilderimen kezdesý ótkizdi. Koalısııa músheleriniń quramynda saıası partııa jetekshileri, elimizdiń tanymal qoǵam qaıratkerleri, úkimettik emes uıym ókilderi boldy. Tańerteńgilik “Nur Otan” HDP oblystyq fılıalynyń ǵımaratynda ótken kezdesýde respýblıkalyq qoǵamdyq shtab­tyń tóraǵasy, “Nur Otan” HDP Tóraǵasynyń birinshi oryn­ba­sary N.Nyǵmatýlın, “Ádilet” demokratııalyq partııasynyń tóraǵasy M.Nárikbaev,  Parlament Májilisiniń depýtattary  B.Tileýhan, Parlament Sena­ty­nyń depýtaty Q.Sultanov, Aýǵan soǵysy ardagerleri qaýym­das­tyǵy tóraǵasynyń orynbasary B.Smaǵul sóz sóıledi. Kezdesýdi partııanyń oblystyq fılıaly tóraǵasynyń birinshi oryn­ba­sary U.Sádibekov júrgizdi. Is-sharaǵa oblystyq koalısııa músheleri, shtab jáne partııa fı­lıaldarynyń basshylary, úkimettik emes uıymdar men zııaly qaýym, shyǵarmashylyq qaýym ókilderi, BAQ bas­shy­lary men qyzmetkerleri, “Jas Otan” jastar qanatynyń belsendileri qatysty. Jıynda sóz alǵandar qazaq memleketiniń basynan qıly-qıly kezeńder ótkendigin, táý­el­sizdik alǵan jyldary ishtegi, syrttaǵy báz bireýlerdiń Qa­zaq­standy jarqyn bolashaq kú­tip tur degenge ılana qoıma­ǵan­dyǵyn tilge tıek etip, búgingi kúnniń ıgilikterine toqtaldy. El ishinde alalyq kirgen memleketterdiń irkitteı irip jatqandyǵyn atap kórsetti. Sózin qazaqtyń qasıeti oń­tústikte dep  túıindegen Bekbolat Tileýhan qazir elimiz mem­le­kettiń taǵdyry sheshiler syn kezeńde turǵandyǵyn, saılaýda qatelesýge bolmaıtyndyǵyn kól­deneń tartty. Elimizdiń árbir besinshi turǵyny ońtús­tik­tiń adamy. Qazaqtyń ósken­digi, órkendegeni sizder bergen daýysqa baılanysty. Prezıdenttikten úmitker Nursultan Nazarbaev óz sózine jaýap bere alatyn saıası tulǵa. О́tirik ýáde bergen jeri joq. Otanymyzdyń dáýleti artty, berekesi kirdi, tu­raqtylyq pen beıbitshilik ny­ǵaıdy. Qazaqqa osydan ar­tyq ne kerek, dedi depýtat. Jurt túzý sózge ımandaı uıyp, dúrkiretip qol soqty. Sol kúni tústen keıin “Qa­zaq­stan-2020” Jalpyulttyq de­mokratııalyq kúshter koalı­sııa­synyń músheleri top-topqa bólinip,  S.Seıfýllın atynda­ǵy Halyqtar dostyǵy úıinde, oblystyq ózbek drama tea­tryn­da jáne “Oxy Textile” JShS-inde kezdesýler ótkizdi. Baqtııar TAIJAN. Shymkent.