Eńbek ujymdarymen kezdesti

Keshe elordada «Qazaqstan-2020» Jalpyulttyq demokratııalyq kúshter koalısııasy qalalyq fılıalynyń músheleri «Teplotranzıt» jáne «№1 avtobýs parki» aksıonerlik qoǵamdarynyń eńbek ujymymen kezdesti. Kezdesýge qatysýshylar Qa­zaq­stan Respýblıkasynyń kezekten tys prezıdenttik saı­laý­yna kandıdat Nursultan Na­zarbaevtyń kandıdatýrasyn biraýyzdan qoldaı­tyn­dyq­ta­ryn bildirdi. «Qazaqstan-2020» Jalpyulttyq demokratııalyq kúshter koalısııasynyń qala­lyq fılıalyna elordadaǵy qo­ǵamdyq jáne saıası kúshter, má­denıet pen bilim berý sala­la­ryndaǵy bedeldi kisiler múshe. Búginde demokratııalyq kúshter koalısııasy bas biriktire oty­ryp, elimizde júzege asyrylyp jat­qan saıası úderisterge, áleý­mettik jáne ekonomıkalyq jetistikterge qoldaý kórsetip keledi. Eńbek ujymdarynyń kezdesýine prezıdenttikke kandıdat Nursultan Nazarbaevtyń senim bildirilgen adamdary – «Nur Otan» HDP Astana qalalyq fılıaly tóraǵasynyń birinshi orynbasary Á.Rahymjanov, Astana qalalyq máslıhatynyń depýtaty A.Baıgenjın, sondaı-aq Jalpyulttyq demokratııa­lyq kúshter koalısııasyna kiretin saıası partııalardyń ókil­deri qatysty. «Egemen-aqparat».