Jańa usynys, jańa tilek

Keshe Ortalyq saılaý komıssııasynda ótken kezekti otyrysta úsh másele qaraldy. Onyń birinshisi – Qazaqstan Res­pýblıkasynyń kezekten tys prezıdenttik saılaýyna shet elder men halyqaralyq uıymdardan kel­gen baıqaýshylardy tirkeý, OSK-niń saıası partııa ókilderine keńes berý quqyǵyn jan-jaqty túsindiretin arnaıy hatyn daı­yn­daý jáne úshinshisi – «Azat» jal­py­ulttyq sosıal-demokratııalyq partııasynyń ókili Petr Svoıktiń Ortalyq saılaý komıssııasyna jibergen ótinishin qabyldaýdan bas tartý máselesi. Birinshi másele boıynsha komıssııa múshesi Tatıana Ohlopkova OSK-ǵa prezıdenttik saılaýǵa taǵy 61 sheteldik baıqaýshynyń tir­kelgenin aıtty. Onyń ishinde Syrtqy ister mınıstrliginiń usy­nysymen tirkelgen EQYU De­mo­kratııalyq ınstıtýttar men adam quqyqtary jónindegi bıýrosy mıs­sııasynan  6 adam, TMD elderinen 25 baıqaýshy bar. Sonymen birge, ol ShYU-dan – 3, halyq­ara­lyq uıymdardan – 7, shetelderden 20 adamnyń tirkelgenin, sóıtip, osy kezge deıin elimizde barlyǵy 152 baıqaýshy tirkeýden ótkenin atap ótti. Otyrysqa qatysýshylar osy málimetterge qatysty óz pikirlerin bildirdi. Olar kóbine ne­ǵurlym baıqaýshy kóp bolsa, so­ǵur­lym saılaýdyń ádil jáne ashyq ótýine múmkindik bolatynyn aıtty. Ekinshi másele jóninde OSK tóraǵasynyń orynbasary Vladımır Foos sóz alyp, 21 aqpan kúni Ortalyq saılaý komıssııasy aı­maqtyq saılaý komıssııalarymen jáne saılaý sharalaryna qaty­sa­tyn memlekettik organ ókil­deri­men arnaıy semınar uıymdas­tyr­ǵanyn, osy kezdesýde «Azat» JSDP ókili Petr Svoık daýys berý quqy bar saıası partııa ókil­de­riniń qyzmetine qatysty tıisti ke­ńes berýshi hat daıyndaýdy usyn­ǵa­nyn jetkizdi. Osy máselege baı­lanysty OSK músheleri hattama jasap, ony tııanaqty túrde qaraý kerektigine kelisti. Al úshinshi másele boıynsha OSK hatshysy Baqyt Meldeshov taǵy da sol «Azat» JSDP ókili Petr Svoıktiń Ortalyq saılaý komıssııasyna jibergen ótinishin qabyldaýdan bas  tartylatynyn málimdedi. Onyń aıtýynsha, OSK quramyn bekitý tártibi elimizdiń Konstıtýsııasy men «Saılaý tý­raly» Zańynda kórsetilgen. Osy zańnyń 10-babyna sáıkes Orta­lyq saılaý komıssııasynda arnaıy ókilderi joq saıası partııalar óz adam­daryn saılaý komıssııalary­nyń quramyna usynýǵa quqyly bolǵanymen, olar tek aımaqtyq jáne ýchaskelik saılaý komıssııa­laryna ǵana múshe bola alady. Solaı degenmen, ol «Azat» JSDP-nyń usynysy Bas prokýratýraǵa jiberilgenin, quzyrly organ Kons­tıtýsııaǵa sáıkes, OSK quramynda múshesi joq partııalardyń ókil­deri tek aımaqtyq jáne ýchaskelik komıssııasynyń jumysyna ǵana qatysa alatynyn málimdedi. Dastan KENJALIN.