Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Ýkraınanyń Syrtqy ister mınıstri Konstantın Grıshenkomen telefon arqyly sóılesti, dep habarlady SIM-niń baspasóz qyzmeti.
Áńgimelesýshi taraptar Prezıdent N.Nazarbaev pen Prezıdent V. Iаnýkovıchtiń kezdesýleri erekshe jiger bergen ekijaqty jáne kópjaqty sıpattaǵy Qazaqstan jáne Ýkraına yntymaqtastyǵynyń odan ári damý betalysyna baılanysty máseleler sheńberin qarastyrdy.
Qos eldiń saýda-ekonomıkalyq yntymaqtastyǵynyń qarqynyna toqtala otyryp, taraptar strategııalyq áriptestikti jan-jaqty damytýdyń mańyzdylyǵyn atap ótti.
Q.Saýdabaev pen K.Grıshenko sondaı-aq jahandyq deńgeıdegi ıadrolyq qaýipsizdikti nyǵaıtý men ıadrolyq qarýdy taratpaý salasyndaǵy zamanaýı úrdisterdi talqylady. Osy rette taıaýda Kıevte ótetin Iаdrolyq energııany ınnovasııalyq jáne qaýipsiz túrde qoldaný máselelerine arnalǵan sammıttiń mańyzdylyǵy atap kórsetildi.
Taraptar ústimizdegi jylǵy 8 sáýirde ótetin TMD elderi Syrtqy ister mınıstrleri keńesi basqosýyna daıyndyq barysyn qarastyra otyryp, atalmysh birlestiktiń odan ári qaraıǵy jemisti qyzmetin qamtamasyz etý maqsatyndaǵy ózara umtylystarǵa toqtalyp ótti.