Japonııadaǵy jaǵdaıǵa da jany aýyrady

Burnaǵy kúni ońtústik astanadaǵy Bostandyq aýdanynyń №6 órt sóndirý bóliminde bolǵan kezinde el prezıdenttigine kandıdat Ǵanı Qasymov Patrıottar partııasynyń, óz saılaýaldy shtabynyń jáne ótinish aıtqan saılaýshylardyń atynan osy kúnderde jer silkiný zilzalasynyń zardabyn  bastan keshirip jatqan japon halqyna jan kúızelisin bildirip kóńil aıtty. Sóıtip, qazaqstandyqtardy qıyndyqta qalǵan elge   qoldan kelgenshe qolushyn berýge shaqyrdy. Atalǵan órt sóndirý bóli­mi­ne úmitker bekerden beker kelgen joq. Ol tótenshe jaǵdaı bola qalǵan kezde órt sóndirý­shilerdiń adamdarǵa jedel ári utymdy kómekke kelý ázirli­gi­niń qandaı ekendigine kózin jetkizýdi maqsat tutty. Prezıdenttikten úmitkerge Almaty qalasy boıynsha tó­ten­she jaǵdaılar departamenti órt sóndirý jáne apattyq-qutqarý jumystary qyzmetiniń bastyǵy podpolkovnık Asqar Toıshy­be­kov tótenshe jaǵdaı­larǵa ázir­lik­tiń jaıyn baıandap berdi. Qazir qalada 14 áskerı órt sóndirý bólimi jumys isteıdi, iri kásip­oryndar men uıymdarda onnan astam erikti bólimsheler qu­ryl­ǵan. Olar­dyń bári tehnıkamen, jab­dyq­pen, jeke qorǵanys qu­ral­dar­ymen jetkilikti deńgeıde jab­dyq­talǵan. Aıtalyq, ótken jyly órt sóndirýshiler «Mersedes» avtomashınasynyń negizindegi tórt avtomatty kóter­gish­pen jaraqtandy. Ǵ.Qasymov órt sóndirýshi órendermen áńgimelesip, jab­dyq­tardy kórdi. Sonymen qa­tar, ol Almaty sııaqty úlken megapolıste órt sóndirý bólim­sheleriniń áli de bolsa jetkiliksizdigin atap kórsetti. Bul kúnde qalalyq ákimdik Alataý aýdanynda qosymsha eki bólim qurýda. Taıaý ýaqytta taǵy da bes órt sóndirý keshenin salý úshin jer telimderi bólinbek. Prezıdenttikten úmitker olar­dyń qarjylandyrylýyn, qu­ry­lystyń jedel bastalýyn qa­daǵalaýǵa ýáde etti. Sondaı-aq azamattarymyzdy qorǵaıtyn órt sóndirýshilerdiń turmys­tyq jaǵdaıy men jalaqysy eren de er eńbekke laıyqty bolýy qajettigin eskertti. Qorǵanbek AMANJOL. Almaty. ------------------------------- Sýretti túsirgen Iýrıı BEKKER.