Búgin Qazaqstannyń basym bóliginde atmosferalyq frontaldy bólikterdiń ótýine baılanysty turaqsyz aýa raıy saqtalady, jaýyn-shashyn bolady, jaýyn-shashynsyz kún raıy tek eldiń batysy men shyǵysynda kútiledi. Keı jerlerde tuman, kóktaıǵaq, burqasyn bolyp, jel kúsheıedi, dep habarlaıdy «Qazgıdromet».
Aqmola, Qostanaı oblystarynyń keı jerlerinde burqasyn, tuman kútiledi, kúndiz jekelegen aýmaqtarda jel 15-20 m/s kúsheıedi.
Ońtústik Qazaqstan, Shyǵys Qazaqstan oblystarynyń keı jerlerinde tuman bolýy múmkin, 15-20 m/s-pen soqqan jeldiń ekpini 25 m/s-qa artýy yqtımal.
Shyǵys Qazaqstan oblysynda burqasyn jel soǵady.
Qyzylorda oblysynda, túnde Mańǵystaý oblysynyń keı jerlerinde tuman, kóktaıǵaq bolady. Manǵystaý oblysynyń keı jerlerinde tuman, kúndiz kóktaıǵaq bolyp, 15-20 m/s ekpindegi jeldiń kúshi 25 m/s-qa jetedi. Ońtústik-batys bóliginde 30 m/s-qa jetýi múmkin.
Atyraý oblysynda, túnde Aqtóbe oblysynyń keı jerlerinde tuman kútiledi.
Pavlodar oblysynyń jekelegen jerlerinde kúndiz jaıaý burqasyn soǵyp, 15-20 m/s jel bolady.
Qaraǵandy oblysynyń keı jerlerinde túnde tuman bolyp, kúndiz burqasyn, kóktaıǵaq, 15-20 m/s ekpindegi jel boljanady.
Almaty oblysynyń Jalańashkól aýdanynda jeldiń ekpini 18-28 m/s-qa kúsheıip, túnde keı jerlerdi tuman basady.
Jambyl oblysynyń jekelegen aýmaqtarynda da tuman kútiledi, tańerteń jáne kúndiz jel 15-20 m/s-qa kúsheıedi.