Orta salmaqta WBA belbeýiniń ıegeri Dennıel Djeıkobs (32-1, 29 KO) WBA (Super), IBO, WBC jáne IBF tujyrymdary boıynsha dál osy salmaqta álem chempıony Gennadıı Golovkınge (36-0, 33 KO) qarsy jekpe-jegi týraly pikirin bildirdi. Bul týraly vesti.kz habarlady.
«Álemge ózimniń myqty ekenimdi dáleldeýim kerek. Sizder orta salmaqtaǵy jańa chempıondy kóretin bolasyzdar. Golovkınniń kúshine shúbá keltire almaımyn. Ol úzdikterdiń biri. Biraq ony jeńý qolymnan keledi dep oılaımyn. WBA bul kezdesýdi uıymdastyrmas buryn oǵan Serhıo Moramen ótken kezdesýden keıin usynys tastaǵanmyn. Mine, oǵan da jettim. Endi 18 naýryz kúni rıngte meniń judyryqtarym ǵana sóıleıtin bolady», – dedi Djeıkobs.
Buǵan deıin GGG amerıkalyqty óziniń úzdik qarsylasy ekenin, sondaı-aq qobaljyp júrgenin de aıtqan bolatyn.