Haıýanattar parki týraly oblysta burynnan aıtylyp júretin. Bastamany bıologtar men áýesqoı tabıǵat qorǵaýshylar ara-tura kóterip qoıatyn. Endi olar naqty iske kirisip otyr. Qazir oblys ortalyǵynda esigin endi ashqan «Teremok» haıýanattar parkiniń 20 turǵyny bar. Qoltyraýyn, qoıan, enot, jylannyń túrleri, shınshılla, tıin, úki, qurbaqa, tasbaqa bolyp jalǵasa beredi. Haıýanattar parkiniń dırektory Elena Iýreva qostanaılyqtar men qala qonaqtary úshin mundaı orynnyń kerektigin aıtty.
«Biz uzaq jyldar sırk ónerimen aınalysamyz. Onda janýarlarmen óner kórsetetin nomerler bar. Biraq kanıkýl kezinde amalsyz olardy úıde ustadyq. Oılana kele janýarlar túrin kóbeıtip, jurtshylyqqa usynýdy durys kórdik. Biraq qarjylaı qoldaý bola ma dep kútkenmen eshnársege qolymyz jetpedi. Sondyqtan ózimizdiń otbasymyzben nesıe aldyq ta, haıýanattar parkin ashýǵa táýekel jasadyq», – dedi Elena Iýreva.
«Teremok» ujymy aldaǵy ýaqytta aıý, qabylan sekildi iri janýarlar alǵysy keledi eken. Alaıda, oǵan kásibı ǵımarat, maýsym saıyn ańdardy kóshirip otyratyn, arnaıy alań joq. Biraq bul másele qalanyń da, oblystyń da damý josparynda aıtylǵan emes.
Názıra Járimbetova,
«Egemen Qazaqstan»