Dúnıejúzilik bank munaı men ózge de shıkizattyq taýarlardyń qymbattaýynyń arqasynda jáne Brazılııa men Reseı ekonomıkasynyń qalpyna kelýi sebepti álemdik ekonomıkanyń 2017 jyly qarqyn alýyn boljap otyr.
Dúnıejúzilik banktiń álem ekonomıkasyna jasaǵan boljamynsha, 2017 jylǵy naqty JIО́ ósimi 2,7 paıyzdy quramaq. Al 2016 jyly bul kórsetkish qarjy daǵdarysy kesirinen 2,3 paıyz ǵana bolǵan edi.
Damyǵan elderdiń ósim kórsetkishi 2017 jyly 1,8 paıyz bolady dep kútilýde. Al 2016 jyly bul kórsetkish 1,6 paıyz bolǵan. Al damýshy elder úshin byltyrǵy ósim 3,4 payz bolsa, 2017 jyly 4,2 paıyz bolady dep kútilýde.
Degenmen, Dúnıejúzilik banktiń ózi bul baıandamasynda aıtylǵan málimetterge tolyqtaı kepildik bere almaı otyr. О́ıtkeni, Donald Tramptyń syrtqy saıasattaǵy ustanymdary men AQSh ekonomıkasyn qaı baǵytqa buratyny sarapshylar tarapynan áli de bolsa birjaqty baǵalanbaı otyr.
AQSh-tyń bıylǵy JIО́ ósimi 2,2 paıyz bolady dep kútilýde. Al 2016 jyly bul kórsetkish 1,6 paıyz bolǵan edi.
"AQSh ekonomıkasyndaǵy bul qarqyndy ósim Federaldy qordyń qarjy-valıýta saıasatynyń yqpalynan bolýy múmkin," - delingen baıandamada.
Al Qytaıdyń jalpy ishki ónim ósiminiń kórsetkishi 2017 jyly 6,2 paıyz shamasynda boljanýda. Al 2016 jyly Qytaıdyń ekonomıkalyq ósim deńgeıi 6,7 paıyz bolǵan. Qytaı qarqyny azaıǵanymen, ońtústik-shyǵys Azııadaǵy Indonezııa men Taıland bastaǵan elderdiń ekonomıkalyq ósimi qarqyn almaq.
Úndistannyń ekonomıkalyq ósimi 2016 jyly 7 paıyz bolsa, 2017 jyly bul kórsetkish 7,6 paıyzǵa ulǵaıady degen joramal bar.
Aıta keteıik, Qazaqstannyń jalpy ishki ónimi 2016 jyly 1 paıyzǵa ósse, 2017 jyly bul kórsetkish 2,2 paıyz bolady dep kútilýde.