Osynyń arqasynda jolaqy tóleý jeńildep, avtobýstar qozǵalysynyń jyldamdyǵy artty.
«2016 jyly jalpy uzyndyǵy 33,6 km bolatyn qala kósheleriniń 11 ýchaskesinde avtobýstardyń qozǵalysyna arnalǵan jolaqtar bólindi, nátıjesinde qozǵalystyń ortasha jyldamdyǵy 18%-ǵa artty. Jolaýshylarǵa yńǵaıly bolýy úshin elektrondyq jolaqy tóleý júıesi engizildi, avtobýstardyń kelýi týraly aqparat beretin 108 elektrondyq tablo ornatyldy, «Astra Bus» uıaly qosymshasy iske qosyldy, - dep habarlady búgin elorda ákimdigindegi keńeste Astana ákimi Áset Isekeshev.
Sonymen birge, jalpy uzyndyǵy 14,7 km qalanyń 6 kóshesinde birjaqty qozǵalys engizildi, nátıjesinde kólik aǵynynyń qozǵalys jyldamdyǵy 12-den 24 k /saǵ. deıin artty, dep máim etti ákimdiktiń baspasóz qyzmeti.
Memlekettik-jeke menshik áriptestik (MJÁ) qoldaný aıasyn keńeıtý úshin bıýdjettik tıimdilikke jáne tıimdilik deńgeıine qarap, ekonomıkanyń birqatar sferalaryn qamtıtyn jobalardyń tizimi jasaldy.
«Osyǵan baılanysty barlyq qurylymdyq bólimshelerdiń basshylaryna joǵaryda atalǵan tizimdi qarap, MJÁ-niń qajet qujattaryn ázirleý úshin basymdyqty jobalardy irikteýdi tapsyramyn», – dep atap kórsetti Áset Isekeshev.