Ortalyq kommýnıksııa qyzmetinde múgedek adamdarynyń áleýmettik-turmystyq jaǵdaıyn jaqsartýǵa arnalǵan baspasóz máslıhaty ótti. Oǵan Jeńil ónerkásip kásiporyndar qaýymdastyǵynyń prezıdenti Lıýbov Hýdova men «DOS» táýelsiz ómir» ortalyǵy múgedekter qoǵamy birlestiginiń atqarýshy dırektory Ardaq Otorbaev qatysty.
Jıynda L.Hýdova keshe Densaýlyq saýqtaý jáne álýemettik damý mınıstrligi men jeńil ónerkásip kásiporyndary qaýymdastyǵynyń Zańdy tulǵalar birlestigi múgedek adamdardyń áleýmettik-turmystyq jaǵdaıyn jaqsartýǵa arnalǵan yńtymaqtastyq týraly memorandýmǵa qol qoıǵanyn atap ótti.
«Jeńil ónerkásip kásiporyndar qaýymdastyǵynyń Zańdy tulǵalar birlestigi múmkindigi shekteýli adamdarǵa arnalǵan «Adaptive Clothing and Shoes» atty jobany asyrýǵa kiristi», - dedi L.Hýdova.
Onyń aıtýynsha, múmkindigi shekteýli jandar úshin qolaıly kıimderdiń jappaı óndirý tájirıbesi Qazaqstanda bolǵan emes.
«Múgedek arba paıdalanýǵa májbúr jandar, serebraldy sal aýrýǵa shaldyqqan balalar, Daýn sındromyna, ampýtasııaǵa shaldyǵan, boıy alasa, soqyr jáne kórý qabileti tómen adamdar, bastarynan radıkaldy mastektomııa ótken áılder, sondaı-aq qart jáne ýaqytsha qozǵala almaıtyn adamdar arnaıy qurastyrylǵan kıimge muqtaj», – dedi Jeńil ónerkásip kásiporyndar qaýymdastyǵynyń prezıdenti.
Múmkindigi shekteýli adamdarǵa arnalǵan demısezondy kolleksııa jumsaq, elastıkaly toqyma matadan jasalǵan, buıymdar jaıly, erkin qozǵalýǵa qolaıly. Múgedektiń ózi nemese kútishý personalǵa jeńil kıindirý úshin buıymdarda arnaıy detaldar men fýnksıonaldyq túıshikter qarastyrylǵan. Buıymdar ulttyq oıý-órnek, gúlder, ań beınelengen kestelermen bezendirilgen.
Memorandým sheńberinde, sondaı-aq, keńester, semınar, alqaly jınalystar, birlesken is-sharalardy uıymdastyrý men ótkizý qarastyrylǵan. Sonymen qatar, múmkindigi shekteýli jandarǵa arnalǵan kıimderdi qurastyrýdan dızaınerler arasynda konkýrs ótkiziledi.
Dastan KENJALIN,
«Egemen Qazaqstan»