Elbasy Nursultan Nazarbaev «Samuryq-Qazyna» aksıonerlik qoǵamy basqarmasynyń tóraǵasy О́mirzaq Shókeevti qabyldady. Bul týraly Aqordanyń baspasóz qyzmeti habarlady.
Memleket basshysyna kezdesý barysynda 2016 jyldyń qorytyndysy boıynsha Qordyń damý kórsetkishteri jóninde málimdeldi.
Sondaı-aq, Shókeev Qazaqstan Prezıdentine «Samuryq-Qazyna» aksıonerlik qoǵamynyń qaraýyndaǵy aktıvter men elektr stansasynyń qyzmetin jekeshelendirý barysy jóninde aıtty. Búginde Qordyń satýǵa qoıylǵan 217 aktıviniń 120 nysany balanstan shyǵarylǵan.
«Ekinshi tizimdegi nysandardyń 70%-y iske asyrylyp, birinshi tizimniń 11 iri nysany jóninde sheteldik ınvestorlarmen kelissózder júrgizilip jatyr», - dedi «Samuryq-Qazyna» aksıonerlik qoǵamy basqarmasynyń tóraǵasy.
Elbasy birinshi kezekte Qazaqstanda Sıngapýrdyń «Temasek» qorynyń modeli boıynsha holdıng qurý jóninde mindet qoıylǵanyna toqtalyp, osyǵan baılanysty «Samuryq-Qazyna» aksıonerlik qoǵamyn transformasııalaýdy sapaly júrgizýdiń mańyzdylyǵyn atap ótti.
Kezdesý qorytyndysy boıynsha birqatar naqty tapsyrmalar berildi.