Ýnıversıada kezinde qosymsha kanıkýl bolatyndyqtan, sabaqtar kestesi ózgeredi, - dep habarlaıdy Tengrinews.kz.
"Bilim berý uıymdary baǵdarlamany tolyq ıgerý úshin ózgerister engizedi. Qosymsha sabaqtar bolady. Mektep dırektorlary sabaqtar kestesine qosymsha sabaqtar engizý boıynsha tapsyrma beredi", - dedi Almaty qalalyq bilim basqarmasynyń basshysynyń orynbasary Lázzat Jylqaıdarova baspasóz máslıhatynda.
Sonymen qatar, ol mektep oqýshylary Ýnıversıadaǵa barý-barmaýdy óz erkimen sheshetinin aıtty.
Al osyǵan deıin QR Bilim jáne ǵylym mınıstrliginiń baspasóz qyzmeti almatylyq oqýshylarǵa 30 qańtardan 8 aqpanǵa deıin demalys jarııalanatynyn habarlaǵan bolatynbyz.