Qurmettiniń redaksııasy! Armysyzdar? 2017 jyldan jańa formatta jaryq kóre bastaǵan basylymnyń oqýǵa yqshamdy bolyp shyqqanyna, kórkemdelý (túrli-tústiligi bar) ereksheligine, qundylyǵyn qýattandyra túskenine qýanyp otyrǵanymdy jetkizgim keledi.
О́zim gazettiń «Rýhanııat», «Tálim», «Zerde» dep atalatyn betterine kóbirek úńilemin. Kóp nárse tabamyn, ony ádebıet pániniń muǵalimi bolǵandyqtan urpaq tárbıesine paıdalanatyn kezim az emes. Joǵary synyptarǵa sabaq beremin. Balalardy baspasózben baılanysta ustaý úshin sabaq saıyn gazettegi maqalalardy oqytyp, taldatamyn. Qoǵamda bolyp jatqan ózgerister, jýrnalıst jazbalaryndaǵy kóterilgen máseleler týraly oqýshylardyń pikirlerin bilip otyramyn. Úı tapsyrmasyna da qosymsha baspasózden bir maqala oqyp kelýlerin qadaǵalaımyn.
Balalardy «sender kitap oqymaısyńdar, gazetke qaramaısyńdar» dep tildeı berýdiń qajeti joq dep oılaımyn. Árkez ózińizdiń oqyǵan dúnıeńizden mysal keltire otyryp, sabaǵyńyzdy tartymdy óte alsańyz oqýǵa qyzyqpaıtyn bala joq. Másele, olardyń júregine jol taba bilýde. Maǵan osy rette basqa da basylymdarmen birge «Egemen» árdaıym kómekke keledi. Basylymǵa odan rýhanı azyq alý úshin jazylasyń ǵoı, osy turǵydan alǵanda el gazetine jazylý arqyly ony ózim ǵana rýhanı qajetime paıdalanyp qoımaı, bolashaq urpaqtyń rýhanı irgetasyn qalap jatyrmyn dep aıtýyma bolady. Sol úshin redaksııa ujymyna alǵys aıtamyn.
Zeberkúl ShARDARBEKOVA,
ustaz
Jambyl oblysy,
Talas aýdany