Sońǵy on jyl ishinde Qazaqstandaǵy erikti avtokólik saqtandyrý (KASKO) naryǵy turaqty ósim kórsetip keledi. Eger 2015 jyly saqtandyrý jarnalarynyń kólemi 16,6 mlrd teńge bolsa, 2025 jyldyń sońynda bul kórsetkish 100,7 mlrd teńgege jetti, dep habarlaıdy Egemen.kz.
Ranking.kz málimetine sáıkes, ósimniń eń joǵarǵy kezeńi 2023 jylǵa tıesili – 120,1 mlrd teńge. Bıylǵy jyldyń qańtarynda KASKO segmentinde jınalǵan jarnalar kólemi 7,8 mlrd teńgeni qurap, 2025 jylǵy qańtarmen salystyrǵanda 11,4%-ǵa artty (7 mlrd teńge).
KASKO saqtandyrýynyń tanymaldyǵy – onyń avtokólikti keshendi qorǵaý quraly retinde mańyzdylyǵynda. Bul erikti polıs apattan, urlyqtan, tabıǵı apattardan nemese úshinshi tulǵalardyń zańsyz áreketterinen keletin shyǵyndardy qamtıdy, sondyqtan avtokólik ıesine tolyq qarjylyq senimdilik beredi.
Sońǵy on jylda KASKO segmentindegi tólemder 5,7 mlrd teńgeden 29,6 mlrd teńgege deıin ósti. Bıylǵy qańtarda saqtandyrý tólemderi 2,2 mlrd teńge boldy, al 2025 jylǵy qańtarda – 2,3 mlrd teńge.
Jarnalar kólemi boıynsha kóshbasshy – Halyk Insurance (2,3 mlrd teńge). Odan keıin Sinoasia B&R (1,7 mlrd), Evrazııa (980 mln) jáne Neftıanaıa Strahovaıa Kompanııa (827,7 mln) tur.
Qazaqstandyqtar úshin eń mańyzdy kórsetkish – saqtandyrý tólemderi. Avtokólik ıeleriniń shyǵyndaryn ýaqytynda jáne tolyq óteý kompanııanyń qarjylyq turaqtylyǵyn kórsetedi. KASKO boıynsha tólemderde birinshi orynda Halyk Insurance (441,3 mln teńge), bul kompanııanyń senimdi ekenin dáleldeıdi. Sondaı-aq, Halyk Insurance polısterine 50% jeńildik sııaqty aksııalar arqyly da suranysty arttyrady. Aksııa tek 1 sáýirge deıin jaramdy, biraq bólip tóleý múmkindigi keıin de bar.
Tólemder kólemi boıynsha ekinshi orynda – Evrazııa (314,7 mln) jáne Neftıanaıa Strahovaıa Kompanııa (289,6 mln). Mindetti azamattyq-quqyqtyq jaýapkershilikti saqtandyrý segmentinde de ósim bar: 2015–2025 jyldar aralyǵynda jarnalar 38,5 mlrd teńgeden 136,8 mlrd teńgege jetti, al bıylǵy qańtarda – 11,7 mlrd teńge.
Saqtandyrý tólemderi de ósýde: 18,2 mlrd teńgeden 105,9 mlrd teńgege deıin. Bıylǵy qańtarda tólemder 9,2 mlrd teńge bolyp, ótken jylmen salystyrǵanda 26% ósti.
Keıbir júrgizýshiler úshin avtosaqtandyrý quny arzandaıtyn boldy
Mindetti azamattyq-quqyqtyq jaýapkershilikti saqtandyrý segmentinde de kóshbasshy Halyk Insurance – 5,3 mlrd teńge. Tólemder boıynsha negizgi júkteme Halyk Insurance jáne Freedom Finance Insurance kompanııalaryna tıesili (árqaısysy 2,6 mlrd teńge), úshinshi orynda – Evrazııa (1,1 mlrd).
Osylaısha, Halyk Insurance KASKO men mindetti azamattyq-quqyqtyq jaýapkershilikti saqtandyrý segmentterinde de kóshbasshy bolyp, Qazaqstandaǵy avtokólik ıeleri úshin eń senimdi saqtandyrý kompanııasy ekendigin dáleldeıdi.
Kólikti saqtandyrý qymbatqa túsedi