Donald Tramp kelissózder sátsiz aıaqtalǵan jaǵdaıda Iranǵa soqqy jasalýy múmkin ekenin málimdedi, dep habarlaıdy Egemen.kz.
Bul týraly ol Truth Social paraqshasynda jazdy. Onyń aıtýynsha, AQSh áskerı áreketterdi toqtatý boıynsha «jańa ári aqylǵa qonymdy» rejımmen kelissózder júrgizip jatyr.
«Aıtarlyqtaı ilgerileý bar. Biraq qandaı da bir sebeppen kelisimge jaqyn arada qol jetkizilmese, bul bolýy múmkin, ári Ormýz buǵazy dereý ashylmasa, biz Irandaǵy «qatysýymyzdy» aıaqtap, ádeıi tıispegen elektr stansııalaryn, munaı uńǵymalaryn jáne Harg aralyn tolyqtaı joıamyz», dedi Tramp.
Sondaı-aq ol mundaı qadamdy «eski rejımniń 47 jyl boıy jasaǵan zorlyq-zombylyqtary úshin jaýap» dep atady.
23 naýryzda Donald Tramp Irannyń energetıkalyq nysandaryna soqqy berý týraly sheshimdi bes kúnge keıinge qaldyrǵanyn aıtqan bolatyn. Ol kezde Vashıngton men Tegeran arasynda «óte jaqsy ári nátıjeli kelissózder» ótkenin málimdegen.
Donald Tramp: Iranǵa qarsy soǵysta AQSh-qa NATO elderiniń kómegi qajet emes
Osy málimdemeden keıin Brent markaly munaı baǵasy 7%-dan astam tómendep, barreline shamamen 104 dollar deńgeıine tústi.
Donald Tramp Iranǵa shabýyl jasaýdyń sebepterin atady