Qostanaı oblysy boıynsha Qarjylyq monıtorıng agenttiginiń departamenti «Bolashak Construction Company KZ» JShS basshysyna qatysty alaıaqtyq deregi boıynsha tergeýdi aıaqtady, dep habarlaıdy Egemen.kz.
Tergeý málimetterine sáıkes, kúdikti 2022-2024 jyldar aralyǵynda qajetti ruqsat qujattarynsyz «Semıa» turǵyn úı kesheniniń úlestik qurylysyna qarajat tartýdy uıymdastyrǵan. Ol azamattarmen páterler men kommersııalyq nysandardy aldyn ala satyp alý-satý sharttaryn jasasyp, joba zańdy bolyp kórinýi úshin áleýmettik jelilerde jarnama júrgizip, Qostanaı qalasynan keńse jalǵa alǵan.
Osy zańsyz áreketterdiń nátıjesinde turǵyn úı kesheniniń úshinshi kezeginiń qurylysyna 28 jeke jáne 1 zańdy tulǵadan jalpy somasy 162 mıllıon teńgeden astam qarajat tartylǵan. Alaıda kúdikti bul qarajatty nysandy belgilengen merzimde aıaqtamaı, óz maqsatyna paıdalanǵan. Qazirgi tańda úshinshi kezektiń qurylysy aıaqtalmaǵan.
Sybaılas jemqorlyqqa qarsy saıasat: Qazaqstan tájirıbesi Fransııada tanystyryldy
Sot sanksııasymen kúdiktiniń múlkine tyıym salyndy. Olardyń qatarynda Hyundai Santa Fe avtokóligi, úsh bólmeli páter jáne jertóledegi kommersııalyq úı-jaılar bar. Sondaı-aq oǵan qatysty úıqamaq túrindegi bultartpaý sharasy qoldanyldy.
Qylmystyq is sot qaraýyna joldandy.
Júrgizýshi kýáligin zańsyz alý: Elimizdiń birneshe óńirinde 60-tan astam jemqorlyq faktisi áshkere boldy
Agenttik azamattarǵa qurylysqa ruqsat qujattary men kepildikteri joq jobalarǵa qarjy salmaýǵa, tekserilmegen kompanııalarǵa senbeýge jáne ınvestısııa salmas buryn jobanyń zańdylyǵyn muqııat tekserýge keńes beredi.