Polsha áýekompanııasy Varshava – Astana – Varshava baǵyty boıynsha aptasyna 4 ret turaqty áýe reısin oryndaýdy josparlap otyr, dep jazady primeminister.kz.
«Halyqaralyq azamattyq avıasııa uıymynyń (IKAO) áýe baılanysy jóninde kelissózder júrgizý boıynsha ótken (ICAN 2016) jyl saıynǵy 9-konferensııasy aıasynda QR IDM Azamattyq avıasııa komıtetiniń delegasııasy Polshanyń avıasııa bıligimen kelissózder júrgizdi», - delingen habarlamada.
Kelissózder nátıjesinde eki taraptyń belgilegen áýekompanııalarynyń Astana, Almaty jáne Varshava qalalary arasynda turaqty áýe reısterin oryndaýyna múmkindik beretin ózara túsinistik týraly Memorandýmǵa qol qoıyldy.
Atqarylǵan jumystardyń nátıjesinde, halyqaralyq mamandandyrylǵan EXPO-2017 kórmesi qarsańynda taǵaıyndalǵan Polshanyń LOT Polish Airlines áýekompanııasy 2017 jyldyń mamyrynan Varshava – Astana – Varshava baǵyty boıynsha aptasyna 4 ret turaqty áýe reısin oryndaýdy josparlap otyr.