Qazaqstan Prezıdenti Nursultan Nazarbaev Reseı Federasııasynyń Prezıdenti Vladımır Pýtınmen telefon arqyly sóılesti.
Memleket basshylary áńgime barysynda kún tártibindegi ózekti jahandyq máseleler, sonyń ishinde Astanada ótken Sırııaǵa qatysty halyqaralyq kezdesý qorytyndylary jóninde pikir almasty.
Vladımır Pýtın Astanada sırııaaralyq kelissózderdi joǵary deńgeıde uıymdastyrýǵa barlyq qajetti jaǵdaıdy jasaǵany úshin Nursultan Nazarbaevqa alǵys bildirdi.
Qazaqstan Prezıdenti Sırııa daǵdarysyn retteý tek beıbit jolmen júrgizilýge tıis ekenin atap ótip, aldaǵy ýaqytta da bul úderiske jan-jaqty qoldaý kórsetýge ázir ekenin aıtty.
Sondaı-aq, Qazaqstan men Reseı Prezıdentteri aldaǵy kezdesýler kestesin qarastyrdy.