Bul – kókeıge qonymdy etip sheshýge qosymsha múmkindik

Parlament Májilisiniń depýtaty Saýytbek Abdrahmanov 20 aqpan kúngi Úkimet saǵatynda Bilim jáne ǵylym mınıstri Erlan Saǵadıevke suraq qoıǵan bolatyn. Onda tómendegi másele kóterilip, bylaı delingen edi: «Aǵylshyn tilin meńgermeı, Qazaqstan jalpyulttyq prog­reske jete almaıtyny Elbasy Joldaýynda aıqyn aıtyldy. Zaman kóshine ilesýdiń endi budan basqa joly joq. Sonymen birge, Joldaýdaǵy ár sózge zer salyp qarasaq, Prezıdent osy jóninde de keńinen oılasýǵa múmkindik bergenin kóremiz. «Bul máseleni tııanaqty oılanyp, aqylmen sheshý kerek», dedi Elbasy. Joldaýda aǵylshyn tilin en­gi­zý­ge ár mekteptiń daıyn­dyǵyn sara­laýǵa deıin aıtyl­ǵan. «Mek­tepterdiń jáne muǵa­lim­derdiń deńgeıi, ásirese, aýyl men qalada ártúrli. Bilikti pedagogtardyń jetispeý problemasy da bar. Sondyqtan, osynyń barlyǵyn eskerip, aǵylshyn tilin kezeń-kezeńimen engizýimiz kerek», delingen onda. Munda barlyǵy da – mektepterdiń deńgeıi de, muǵalimderdiń deńgeıi de, aýyl men qala mektepteri deńgeıiniń aıyrmasy da eskerilip tur. Barlyǵyn eskergendikten de Prezıdent Jol­daýda osy másele boıynsha «Tıisti usynystar berýdi tapsyramyn» dep qadap tu­ryp aıtty. Budan artyq ne kerek? Zaman úshin, qoǵam úshin, adam úshin asa mańyzdy máseleni kó­keı­ge qonymdy etip sheshý úshin qosym­sha múmkindik berilip turǵan joq pa? Prezıdent tapsyrmasyna oraı siz basqaratyn mınıstrlik osy másele, ıaǵnı úsh tildi oqý­ǵa kezeń-kezeńimen kóshýdi júze­ge asyrý jóninde qandaı naq­ty usynystar daıyndaýda? Jol­daý­dan keıin osy baǵyttaǵy jumys­qa qandaı da bir ózgeris, túzetý engizý kózdelip otyr ma?».