Ońtústik Sýdandaǵy jaǵdaı talqylandy

–Jaqynda qazaq­s­tan­nyń BUU ja­ny­ndaǵy tu­raq­ty ókildigi Qaýi­p­s­­iz­dik Keńesiniń Oń­tús­­tik Sýdan­da­­ǵy BUU mıs­sııasyna arnalǵan kon­­­­sýltasııalaryna qatysty, dep ha­barlady Syrtqy ister mı­nı­str­liginiń baspasóz qyzmeti. Onda BUU Bas hatshysynyń bi­tim­gerlik operasııalar jónindegi kó­mek­­shisi Ál-Gasım Ýeın eldegi jaǵdaı tý­raly baıan­dama jasady. Sondaı-aq, Bas hat­shy­nyń adam quqyǵy boıynsha kó­mek­shi­si jáne Joǵarǵy Komıssardyń Nıý-Iork­tegi basqarmasy ofısiniń bas­shysy Endrıý Gılmor óziniń Oń­tústik Sýdanǵa bar­ǵan saparynyń qo­­ry­tyndysymen já­ne onda adam qu­qy­­ǵynyń qorǵalý jaǵ­daıy­men tanystyrdy. Delegasııalar elde qalyptasqan qıyn jaǵdaıdy 2015 jylǵy Ońtústik Sýdan janjalyn retteý týraly kelisim tolyq oryndalǵanda ǵana ony saıası jolmen retteýge múmkin bolady degen toqtamǵa keldi. Al qazaqstandyq delegasııa bul eldegi gýmanıtarlyq aýyr jaǵ­­daıǵa alańdaýshylyǵyn bildire ke­lip, ashtyq zardabyn tartyp otyrǵan Oń­­tústik Sýdan halqyna azyq-túlik je­t­­kizetin gýmanıtarlyq uıymdardyń ke­­dergisiz júrýlerin qamtamasyz etýge sha­qyrdy. Sonymen qatar, BUU-nyń Oń­tús­tik Sýdandaǵy bitimgerlik mı­s­sııa­sy­nyń tıimdiligin arttyrýǵa baılanysty naqty usynym jasady.